face au lycée Carnot cor

vous moquez pas, mais y avo un endro qui nous troublo in tout cas, mi, chéto à l époque du que j allo au lycée carnot

savez l époque du que tout bourgeonne .....et avant d arriver au lycée in passo d' vant un panneau publicitaire qu asteure tous ché cul bénis i zaurotent fait artirer , pasqu in peut pas laisser d' telles zimaches tendancieusses d'vant ch' lycée

chéto un panneau loué par l' cinéma rex d' bruay...ch' cinéma rex dans la rue des escaliers , chéto un cinéma espécial, y éto espécialisé dans les flimes du qu in dévoilo l anatomie complete des jeunes files et des jeunes gins

des flimes qui am' mote avotent du et' subventionnés par michel debré qui voulo ach' momint là faciliter l' repeuplemint d' la france, bref chéto des flimes x

par conte , impossipe d' met' eune photo un peu trop suggestive, alors chéto rimplaché par un dessin du que d' sus la dame ale éto plus que canon

la spécialité d' l époque chéto les flimes x italiens, avec souvint des zinfirmieres ou des institutrices du qu in s' dijant in passant d' vant les zaffiches, qui zavotent du s' tromper dans l' taille d' leu ropes, vu que ché gougouttes ale dépassottent généreus'mint et que l' rope ale éto bin trop courte, in coup à attraper un rheume mal plaché

l' vedette principale d' ché flimes italiens olé olé, chéto Edwige Fenech , alors savez j a été arquerre l' nom d' quequ 'zins des flimes et j' su artombé sur certains qui valotent déjà leur paquet d' cacahuettes, intre autres

"la toubib du régiment", "la toubib aux grandes manoeuvres", "la championne du college" , "l' enseignante au collège" et je n' oublierai pas bien sur " lache moi les jaretelles"

ah pouvez in rigoler asteure, mais souv'nez vous , avec quel trouble et quel émoi , in passo d' vant ces affiches là ....