Les jardinsch'pot en étain
par minloute le, 24/09/2005in a eune collection compléte, du plus grand au plus tchiot , i devo in avoir pour l' vin , d autes pour el biere pi i zont un clapet sul' dessus
chéto des pots en étain qui appartenotent am' grand mère, qui a été serveusse , mais ché des pots qui appartenottent d abord à sin grand père
sin grand père i éto d' sailly labourse près d' noeux , i a parti à Enquin, Flechinelle pour travailler dins ché mines, pi là i a épousé eune file ed brasseur..... pas longtemps aprés i a parti à Cauchy à la tour, pi Pernes les Auchel, et là i éto mineur cabaretier, pi aprés sin fils i l a im' né à Isberques, du qui zavottent un café face à eune grante usine , et donc là i travaillo à l'usine la nuit et i tenot ch' café avec s' femme, m' grand mère ale servo au moment des r'pas et ale apporto des cageots d' biere dans l' usine
pi un jour ale a ravisé d' plus près un jeune comptape qui v'no minger tous les midis au café, bin chéto min grand père maternel
li aprés i a v'nu à Bruay grace à s' n'onque qui éto ingénieur, et i a comminché à l' empaqu'tache d' colis, pi aprés i a été comptape aux grands bureaux , i est mort à 47 ans d' eune méningite en 1936
( 1 photos)
