nounours champion d' flipper

ché t'eune histoire qui armonte i a peu près 35 qu'ans. comme vous etes bien saches ej va vous l'raconter asseyez vous, mettez vos lunettes comme i est à peine 9h du mat' prenez vot'tasse d'café, asseyez dins vot'fauteul et lisez.
un jour, in armontant à Bruay min cousin in v'nant m' quer à la gare d'Béthune i m' dit:
"i a concours d'flipper ach'café du corp du bos" commint i l'a su ché pas difficile i faisot tous ché bistros d'bruay et i savo qu'après l'musique ché m'seconte passion (j'ai voulu in acater un mais bobone ale a mis le hola comme quoi in est pus maite a s'mason).

donc c'soir la m' v'la parti à pied in faisant attention de pas m' faire écraser par eune carette d'el rue Basly jusqu'in haut d' ché camps ché pas éclairé. donc m' vl'a arrivé ach' café ej commante un demi et i a l' fameux flipper qui m'attindot pas comme ceux d'asteur bourré d'électronique nan un simpe vieux avec ché cadrans à roulette. i devot dater des années 60
ej mets eune pièche d'50 centimes ej ravisse l' record à batte chéto d'1000 et quelques points ej fais eune partie qui n'donne rien, idem pour l' seconte, ej jue l'dernière et la j'en sais pas c'qui s'a passé pourtant j'en cro à rien mais ej pinse que les dieux du flipper m'ont donner un cop d'pousse bien que j'en sus pas manchot ach jeu la. j'auro pus juer les yux fermé que ché balles n'aurotent jamais quéyues dins l'trou à tel point que les gins qui z'étotent la ont été pris d' curiosité, té parles ej claquos parties sur parties à tel point que j'ai doublé l'record à battre.

m'vl'a arparti in région parisenne, sans pus i pinser. cop d' phone d'min cousin 3 s'maines après in m' disant que j'avo gagné l'concours, chéto pas grand cosse eune tiote montre qui m'a invoyé par la poste. j'en sus pas vantard , j'en sus pas allé crier cha sur ché toits mais à l'intérieur d' mi j'éto fier.

voila ché la fin d' l'histoire. ej va joindre eune photo ché pas eune rolex ale à pus d'bracelet par conte quand ej l'ai arsortie hier pour l'printe in photo ej l'ai armontée à m'grante surprisse ale fonctionne incor. pour eune breloque qui date d' 35 qu'ans ale est solite!

J'vo qu'Nounours y'a gagné un' belle toquante. Ché in monte ed marque JYB. Si mes souvenirs sont bons, el marque là a pour origine l'association ed 3 horlogers. j'voudro point confirmer mais mi j'avo aquaté in monte JYB chez Jean Gysel rue d'la république à Bruay in 1977. J'cro qu'Jean Gysel a été un des 3 fondateurs d'el marque JYB. El lette "J" correspondrot asse ninitiale ed son prénom Jean;
Si quequ'un y peut confirmer ou apporter des précisions merci.