va querre tin père fin

mais ché pas pasque j' rintro dins l' cuisine que j' me précipito pour dire bonjour à mononcoctaf , nan , j attindo que ch' pli i éto fini, ché points comptés, et qu' min père i auro expliqué à mononcoctaf pourquo qui a jué chi et cha, et in fait pourquoi i avo perdu , l' plus souvint ......

là j' avo l' dro d approcher, mononcotaf i m imbrasso vite fait, et j' dijo à min père que manman ale li "rappelo l heure" ...

alors j' savo si in éto aprés 17h30 alors là , chéto pas évident d' savoir quand que l' partie al' sauro fini , pasque chéto l heure d' l apéritif ....

alors j' vous rassure tout d 'suite, m'mère ale m invoyo pas pour qu' min père i arvienne in guinsse, d ailleurs j a jamais vu min père in guinsse , nan i buvo eune biere

tandis que mononctaf et matantemarie, i s'soumettotent au rituel du pastis
quand que j' parle d' rituel , ché pas galvaudé, mononctaf i faijo cha commint vous dire, avec l' lenteur, la solennité que pourro avoir un prete qui célébe l' messe au momint d' l hostie et du verre d' vin blanc ...

pasque l' "rituel du pastis" cha pouvo aussi et' comparé à la cérémonie du thé au japon ......

tout avo eune plache, tout avo un ordre, tout avo un rythme, et ch' rythme là ,chéto du ralenti ...

mononque i allo querre 2 verres , 2 verres à pastis, des vrais, i allo querre sin pastis, du pernod , l' seul le vrai qui dijo
s' boutelle d io, ché glachons, la cuillere, et l' chuque ....ouais mes gins i fallo tout cha

j' va vous l' faire dans l ordre , in vous dijant qui fallo bin 10 s' condes pour accomplir chaque geste et 10 s' condes entre ....

i verso d' abord ch' pastis au fond, délicat'mint ché évident , pasqu in plus i avo l' fameux doseur qui éto installé su' boutelle, il le rimplicho deux coups pour avoir la dosse appropriée ...


aprés i poso s' cuillere sul' verre

après i verso d' dins du chuque en poude à ras bord ......

aprés i preno s' boutele d io, et i vercho tout douch'mint l io dins l' cuillere rimplie d' chuque

i faijo un mouv'mint rotatif del main que tout ch' chuque i éto mouillé et qui quéyo dans l' pastis

aprés i poso s' cuillère dins l' verre

aprés i metto un glachon

ensuite i arprenno s' cuillère et i mélingeo tout

cha in troublo meme l' couleur

cha prenno bin 10 mineutes ch' t affaire là, bin ouais fallo qui s in fasse un pour li et un pour l'tante marie

malheur à chti qui auro pris la parole durant ch'momint là, mononctaf i éto trop concentré .........

et avant d' passer à tape, i zin buvottent buvo 2 d' pastis comme cha ..... faut dire qui mingeottent comme des moniaux ...

donc 2 à midi et 2 au soir, i devotent avoir un sacré taux d' diabéte eux deusses ...........

et pi i buvo pas cha d un trait , i dégusto, et cha faijo que l' partie ale duro quequ' fo plus que raisonnape

pasque eune fo que l' partie ale éto finite, fallo que matante ale ale arquerre ché boulettes dins l' frigo, querre un sac plastique pour les mette' d' dins, ale auro pu faire cha avant , mais nan

cha explique qui a des coups cha traino, cha traino, et j' me souviens eune fo qu in a rintré, j' va pas dire qu' min père i courro sul'route du r'tour, vu qui avo qu eune gampe comme i dijo, mais i m avo fait arpartir en avant pour dire am' mère qui arrivo
mi , à faire ch' messager , j' ma fait ingueuler, mais que dire quand que min père i a rintré, et pourtant chéto pas l' genre dem' mère d' raler , mais là j' cro qu i éto rintré bin tard ...

ché pas l'meme histoire que minloute.
chéto quand un mineur ou autre avot tendance à s'attarder dins ché bistros.
l' garnoule ale disot à s' sin garchon ou a s' file:
"va ar querre tin père cha va ete l'heure d'souper."
quand i rintro in guinse les infants n'avotent pus qu'à minger vite fait et d'aller s'couquer pour n'pas inttinte l'scène d' ménache.
personnellemint j'ai pas connu cha min défunt père n'allot jamais au bistro. mais j'ai connu des sacrés "vedettes" des princes de la cuite.