la rue qui existe pas .....

savez in n' a qui dissent, ouais, y a trop d histoires sur Bruay, faut dire d' abord que ché min coin, pi si yavo des photos su Marles , Lens, Auchel, j' les mettro sul' site bin évidemmint ...

mais y a aussi que Bruay ché pas eune ville comme les zautes , ché quand meme eune ville du qui eune rue su ché plans , eune rue qui existe pas ......

j'vous explique , mi m' rue préférée à Bruay chéto l' rue RAYMOND DERUY
Ch'long coron que s' n échine as' courbo l' long del colline , pour freiner des 2 fers au niveau d' la tchiote rue Jérome Duquesnoy ......

pasque aprés y a l' ancienne line d' chemin d' fer qui arlio l' siège 1 aux ateliers du 2 qui passe in contrebas, au pied d' un immense talus ....

l' rue Raymond Deruy, pour ché anciens, la rue d' Anzin.....

à croire in aparté que la ville d' Anzin ale a pas d' chance.... ale avo sin nom à Bruay, cha a été rimplaché, et quand qu in parle du clupe d' Valenciennes, et qu in crie "allez V A " , i n a pu beaucoup qui saffent que le A , ch est le A de Anzin ......

j' arviens à mon sujet, l' rue ale s ' est appelée la rue Raymond Deruy, du nom d' un resistant fusillé à la citadelle d' Arras par ché zal'mands

au début des années 2000, in a coupé ch' long coron à son tiers , pour faciliter l' passache rue de Denain et construire des nouviaux logemints ....

in plus pour éviter ch' passache étroit rue Jérome Duquesnoy in bas, pi aussi pour construire dins ché anciens camps derriere toute eune zone, in a construit eune nouvelle route qui arjoint la rue Florent Evrard à l' emplach'mint du qui yavo dins l' temps les Etablissements Dreze, mais cha ché un aut' sujet ...


in a construit d' nouvelles masons d' chaque coté de chte nouvelle rue ....
mi j a pas ker chte nouviau style qui arsempe pas à grand cosse, avec l'idée d' faire des constructions du que par indrots in diro des tours d' chateau fort
sans parler d' ché zéfflorescences qui a su ché briques, savez ché traces blanques qui a su ché briques, et qu on dit "ché rien cha va partir avec l' temps" ...
bin cha partira avec l' temps que ti t es's'ra djà parti aussi....

y a cha aussi au 3 quand qu' té monte du coté qui a l' estatue magnifique d' Gavroche ...cha aussi in pourro in parler, eune estatue d' gavroche ch' titi parisien au miyeu des corons ....

et d un aut' coté in a été camuché ch' monumint aux mineurs presque in dehors d' la ville , au 5, tout in haut d un chateau d io si j' me trompe pas

vous m'direz tant que ch' monumint y est là haut in va pas l' dégrader ......

in arvient dins l'nouvelle rue ......

sul' premiere photo (toutes ché photos, j' précisse, ale sont de Sopraniste de Bruay)
in ravisse le haut d' la rue Raymond Deruy

sul' seconte in vo l' bas del rue qui s' termine par l' rue Jerome Duquesnoy

les suivantes , in vo l' nouvelle rue ...

mais ché quo alors l' rue qui existe pas ........?

bin pour mi , et pour l' panneau qui est indiqué in bas, comme ch'est l' prolong'mint del rue Raymond Deruy, ale a gardé l' meme nom ...
par conte , si vous ravisiez sur Google Maps et sur géoportail; chte rue ale est "arbaptisée" rue de Ruitz

étonnant non ?

Bonjour , Gavroche au n°3 de Bruay au milieu des corons c'est la rue Victor Hugo, sur la place au-dessus il devait y avoir la statut de Cosette un projet qui date de quelques années