Les jardinsun vieu souv'nir, la quintonine
par Boxerman le, 26/05/2011Salut mes gins. Quand j'habito au 3 rue Victor Hugo sur el digue, y'avot in n'voisine mme HANSARD. Chte dame d'un certain ache faijot et buvot d'el quintonine.
Al méto cha d'un un lite ed pinard et al servot cha comme apéro. Ed tins in tins al m'in donnot un tiot peu. In dijot inche temps là "el quintonine cha donne bonne mine" et ché vrai mes amis.
Enfin ché s'que dit em femme tous les jours ed puis 30 ans. Ché d'ailleurs pour cha qu'al m'a épousé passe que j'ai in n'bonne mine...
mi j'adoros cha, quand j'étos jone in in féjot aussi ale mason, ché pas bien compliqué à faire , i faut mette el tiot flacon ed quintonine dins eune boutelle ed bon vin rouche, après n'avoir artiré un tiot peu bien sur, et rajouter un peu d'chuque mais pas gramin
in avot drot à cha aussi quand in étot un peu malade, cha ardonnot des forches, ché un fortifiant et bon pour l'asthénie, ou alors "in cure" à certaines périotes ed l'année, un verre par jour
d'ailleurs cha m'in r'donne l'idée, j'avos oublié cha, mais jé n'sais pas si cha s'vind toudis, j'ira vire al pharmacie
mais attention faut quand même s'documinter avant, car ch'est un médicament et i a des contre indications
