L' Moisson

L’MOISSON

Mos d'juillet synonyme d'vagances pour certains
Période d'moissons d'ches blés pour d'zautes
Dins les sinces in va s'lever d'bon matin
Pour aller ramasser et mette d’ l'or in botte

Ches g'vaux sont attelés devant l'carette
Les gosses raviss'tent d'leux yux imbrumés
Ches hommes affairés comme un jour d'fête
Qui querqu'tent ches outieux bin affûtés

Arrivés dins ch'camp, les faux distribuées
Alors is crach'tent dins leux mains
Et les vla qui comminch'tent à faucher
Avec l'solel qui leur cauffe les reins

Ah que ch'est ti biau d'vire l'mouv'mint
De l'faux qui s'élièfe pis qui arquait
Faisant quaire à chaque cop sur ch'terrain
Eune belle brassée d'blé blond et doré

Dérrière suitent ches femmes et ches gosses
Qui ramass'tent, et font des gerbes attachées
Tertous travall'tent sans faire d'pausse
Faut que l'moisson seuche vite terminée

Quand i restera pus qu' meules alignées
Hautes et rontes comme des tours d'guet
Alors viendra l'temps de l'fête, du banquet
Pour fêter ches moissons, la fin d'juillet

Bierlair René dit Cartouche

cha faijo un tchiot momint qu in avo pas eu d'poésies, ché avec plaiji que j a lu cha ch' matin

mi la poésie, ché pas min fort, nan pas que j a pas ker , mais ché quéquosse que j' sais pas faire

bin ouais mais cha ché du cartouche , avec sin compère jean marie , a eusse deux y font l'paire , mais j'su sur qu'si té faijos un n'éffort té yarrivrot aussi minloute
pi nan y vaut miux pas

mi j'me souvient avoir passé min temps a avoir glané d'el paille pour les betes et pour mette sur ch'tas d'fumier.
comme ém' mère a l'avo pas d'sous pour m'invoyer in vacance , fallo que m'occupe , et j'aimo cha . au mois d'septempe quand j'artourno a l'école j'avo l'bas d'mes gampes tout t'abimés pas ché z'éteules , et j'étot bronzé comme es autes .