min Optalix

Optalix, cha fait vieillot comme nom asteure

et pourtant cha a été pour mi, ch' cadeau qui m a vraimint accompagné toute m' n' adolescence

j a eu cha à la Noel, chéto un tchiot transistor

chéto GE NIAL , imaginez que d un coup in pouvo acouter ché radios sans ete obligé d' rester dins l' pieche du qui yavo ch' gros poste qui avo eune prisse ou ach' transistor d' min père

ah nan de diou sin transistor , j auro jamais osé li d' minder de mel' preter pour que j acoute la musique dins m' champe .....

in plus chéto sin cadeau d' départ al' artraite .......

nan pour in arvenir à min tchiot transitor, de marque Optalix , chéto vraimint l' premier sentimint d' liberté que j a eu, imaginez, meme si cha peut paraite désuet asteure , telmint que ché rintré dans les moeurs , mais pouvoir rester dins s' champe ,et acouter c' qu on veut ...


ché jurs chi j a pinsé 2 coups à ch' fameux transistor Optalix, ché in prenant l' carette diminche matin assez tot, et qu in acoutant RTL , j ' su quéu sur André Torrent qui faijo des jeux et qu in pouvo gagner eune monte RTL

André Torrent, li i m a accompagné un bon momint, j éto suspendu au résultat du hit parate, mi j' voulo que Gerard Lenorman i gane face à Julien Clerc

chéto l' époque du que Gérard Lenorman i canto " les matins d' hiver"

savez "je me souviens de ces matins d' hiver, dans la nuit sombre et glacée, quand je marchais à coté de mon frère , sur le chemin des écoliers " .....

André Torrent i nous faijo vive cha avec toute s' gouaille, sin dynamisme et pi ch' jeunesse

là jl' a vu in photo sur internet, bon y a 66 ans asteure, mais quand qu in l acoute al' radio , y a gardé le meme style et l' fachon d' s 'exprimer , tout in sympathie ....


j' éto "accroc" au hit parate de RTL, mais j avo quer aussi acouter les histoires sur France Inter

là yavo pour mi non pas un animateur, mais un conteur i s appelo Claude Villers

i avo eune vo vraimint radiophonique, pi i savo nous faire partager ses voyaches ....

avec li in parto visiter les cajuns en Louisiane, i nous raconto la vraie histoire de l'auberge rouge du coté d' l' ardeche , i nous raconto l' histoire de peuples africains ou la découverte des sources du Nil ......


tout cha bin sur in ayant mis ch' poste pas trop fort , collé am' n orele, sous min oreiller, vu que j éto sinsé dormir ......

j acouto aussi "campus" sur Europe 1 chéto animé par Michel Lancelot

pi j a souvint acouté un aut' animateur, chéto un peu plus tard , vers 22h 30 chéto "les routiers sont sympas" , animé par Max Meynier

j avo ker ch' t émission là, pasque in voyageo dins l exagone ...

yavo des routiers qui l appelottent pour un service, pour "prévenir gégé que le camion aura du retard", que si "yavo quéqu un qui avo un pneu d' rechanche d' telle section et qui éto dins ch' coin là , i pourro aider untel qui éto en rade l' long del' route "

chéto aussi le début du covoiturache si in peut dire, yavo toudis des gins qui appelotent " j' su à Paris et j' voudro déchinte sur Montélimar " et hop souvint t avo un routier qui appelo pour dire qui pouvo déchinte à Montélimar l' personne qui le voulo ........

mi dans min lit ,j' voyageo, aprés chéto cor plus loin , y a eu des coups des routiers qui appelotent pour passer un tchiot coucou , et "pour prévenir Ginette qui arriva que le lendemain" ou plus graffe , un qui s avo fait voler sin camion dans la yougoslavie de l époque

Max i nous faijo voyager dins l' cabine des routiers, et j avo ker cha


ché im' promenant samedi que j a vu l' enseigne sur un restaurant asteure freumé depuis un bon momint, vu que ché camions asteure i prennent en majorité l autoroute pour faire ché longs parcours .....

que magie que chéto un transistor pour nouzautes, yavo pas nan plus 15 000 chaines et 15 000 fréquences, soit t avo dro à GO , grantes ontes, ou PO, petites ontes

in éto bin avant l essor d' toutes ché radios FM

j' parlo d' magie, mais chéto cor plus mystérieux quand que té devo ouvrer l' boite pour aller canger ché piles

yavo pratiqu'mint rin à l intérieur, in raviso cha avec éton'mint , eune espece d' plaque avec des tchiots branch'mints d' sus , ché fameux transistors .........


asteure ,ché jones qui ont cor du lait au bout d' leu nez , i veultent un portape et un compte facebook et sont cor in primaire pour certains

mi aussi j'in ai eu un j'ai l'ai gardé longtemps ej l'ai meme pris avec mi pour min service militaire mais malheureuemint el soir j'en pouvo pas l'acouter. sur l' batiau i n'captot à cause d'el ferale.

chéto bien pratique quand étant plus jone in allo s' prom'ner avec les copains et les copines i n' préno pas d' plache in pouvo meme l'accrocher à not' poignée, i avo eune cordelette sur l' côté rien à vire avec ché engins que les jones d'asteur qui s' promènent avec cha sur leur épaules.
quoique qu'asteur cha aussi ché dépassé aussi intre les i phones,i pad et tout l' diape sans train, cha cor évolué et ché évoluera cor..
et ouais mes gins in est pus d'el meme génération in viellit!!!

malheureusemint i n'a pas résisté au fameux voyache in Italie quand on s'est pris mer force 6 quand j'ai ouvert min placard l'lend'main i éto in mille morciaux.