photos différents sujets cor

l' premiere, ché juste aprés l' cité des électriciens, ché là qui yavo qui fabriquottent des gauffres dins l' temps dans l' arriere boutique
mystère qui avo été élucidé grace à Sopraniste de Bruay

l' seconte ch est du qui avo dans l' temps eune boucherie

l' eune des 2 boucheries in tout cas en mon souvenir qui yavo rue Anatole France

j' me souvins mais vag'mint d un aut' boucher qui devo s appeler Loriot et qu in devo y monter par des marches et j' me souviens y avoir vu , d' dos , un boucher avec sin tablier blanc en train d' donner des coups de haches pour couper l' viante

j' avo meme deminder à m' mère, j y donno cor la main pourquoi qu in allo plutot chez Omer , que ché li

mi j a connu l' boucherie Ducrocq quand qu ale éto cor pas loin del rue Leverrier, yavo cor Edouard qui officio un tchiot peu, mais chéto Omer sin garchon boucher qui , au fil du temps et de l expérience allo finir par printe s' succession

pour mi Omer chéto un commerçant, j a a djà parlé, un tchiot mot par chi, eune tchiote reflexion amusante par là, et Marthe s' femme qui l épaulo pour tout c' qui éto vente d' charcuterie et qui teno la caisse

après y a déménagé,i s a mis du que ch' magasin y est asteure, pi la concurrence de Carrefour devenu Cora par la suite ale a été d' plus in plus forte

après ché son fils qui a repris, pas facile ché sur, aprés, j' diro pour nous ché gins du nord bien ancrés, d' vire sus' vitrine qui vindo del viante d' requin, d autruche, d' bison, enfin tout c' qui éto pu pour nous la base meme du métier d' boucher

enfin i s a diversifié au cours des années et sin fils y a repris l' flambeau, asteure i font essentiel'mint traiteur, et ché comme cha , in s adaptant qui sont un des seuls magasins cor ouverts dins l' rue ...

par conte et par tchiote moquerie, j avo armarqué qui yavo sul' vitrine eune affiche constataire, ché "non au tram" , pasqu i veulent te pas le tram su bruay

j' me faijo la reflexion toute personnelle, que j avo toudis vu such' magasin là , des affiches "contre chichi, contre chela"
ou alors chéto couvert d affiches du CID UNATI , cha comminche aussi à dater , avec l' photo d'leur leader Gérard Nicoud tout partout .............

la suite des photos, ché l' "magasin mystère"
ch'est le magasin étrange d' Bruay, ché eune maroquinerie

acoutez, j' l a toudis connu, j a jamais rintré d'dins, j a jamais vu quéqu un such' perron, ou l' porte ouverte ...

j éto persuadé en arrivant rue Henri Cadot , que ch' commerce là i s'ro freumé , ché d ailleurs l impression qui donne depuis des années

bin nan pour mi ya cor d' l activité, j y suis passé in dehors des heures d ouverture, mais sul' porte vitrée yavo eune affiche aussi contre le tramway, preuffe que cha do cor ét' ouvert

l' étalache i comminche as' vider, y a un bon momint que l' vitrine ale a pas du et' lavé, am' mote ché plutot que ché propriètaires i doivent et' agés

par conte à l intérieur, in vo que ché pas du made in china, ché du solite, i vinte cor, in l' vo sur eune des photos , ch' pitit porte monnaie in forme d' demie lune qu in ouvre in deux pour aller querre ché pieches

et pour terminer eune photo dech' tract conte l arrivée du tram