ti pi tin cochon d' inte .....

chéto au tout début des années 80, in arvéno avec un camarate du Furet du Nord à Lille

in avo pris ch' train pour y aller, vu que d 'la gare à la grand place ché pas loin

in avo arpris l' bus à béthune du qui yavo l' gare routière qu ale faijo l' coin en face d' la gare sncf

in éto parti au matin, y avo promis as' mère d' et' rintré pour minger au soir à 19 h


au lieu d' déchinte à l arret d' bus qui a d'vant m' mason , in a déchindu au coin d' la rue d' la gare, pour aller as' mason du coté d' la rue d' Dakar

in arriffe as' mason , in éto plus que dans les temps i devo et' 17h30

et là grand armu ménache dins l' mason, dins l' cuisine plus précisémint, pi yavo del finquée, ou plutot cha cuiso , et in essayant d' rintrer dins l' cuisine, min camarate y a vu qui yavo ché voisines qu ale zétotent là à donner un coup d' main pour faire cuire plusieurs plats sul' gaziniere

y a pas eu l' temps de d'minder pourquo i zétotent là et pourquoi i faijotent tant à minger et que s' mère ale éto in train des' laminter ....


ale li a qué d' sus , in li dijant, "ah té là ti, ti pi tin cochon d inte", "que salop'rie chtilale" , et pindant tout ch' temps là in voyo ché poeles et ché castroles qui étotent in train d' cuire, ou d' rissoler ......

"mais quo qui a m'man ?" qui li d'minte,

pour toute réponse y a eu dro à "ti pi tin cochon d inte"

ché eune voisine qu ale li a expliqué tout in rigolant ,mais in surveillant l' cuisson

au matin , min camarate qui avo un cochon d ' inte i avo l habitute del' laisser aller des' cage ach' gardin , i avo dro à sin parterre d' herpes rin que pour li

et là ch' coup chi, quand que j' su v'nu l' querre, y a pas pinsé al' rintrer, donc ch' cochon d inte i a resté dins ch' gardin ...

jusqu au momint que l' mère d' min camarate ale va al' barraque querre quéquosse , et qu ale arferme pas l' porte complet'mint

ch' cochon d inte, li , curieux comme eune maguette, y a rintré dins l' barraque, et là in sait pas pourquo et in sait pas commint, ch' t animal y a grignoté ch'cable électrique del' prisse du congélateur .....

savez ché grands congélateurs bas qu in pouvo met' quéqu un d' dins si in voulo ..............

bin ch' t animal in sait pas commint qui a fait , et in sait pas commint surtout y a survecu, y auro pu , y auro du et' electrocuté .............

bin nan , ché s' mère à min camarate , qu in miyeu d aprés midi ale a vu comme de l io sous ch' congélateur ........ tout y éto in train d' décongeler ...

ale a bin comminché à in filer à ses voisines pour qu ale mette dins leu frigo, mais y avo trop d' viantes cor, donc là ale éto in train d' tout faire cuire , pasque ale pouvo pu l arcongeler cru , intre temps yavo un vigin qui avo réparé l' prisse .....

mi j avo eu toutes les peines du monte à pas rigoler , j'vo cor s' mère li dire "ti pi tin cochon d'inte" .............

ti pi tin cichon d'inte

Mi aussi j'a eu eune tiote histoire aveuc un cochon d'inte, d'un m'rue y avot ch' voisin Mr Maupain quatte ou chinque masons au d'ssus notte coron qui avot un bieau tiot cochon d'inte, mi j' l'avos d'un mes bras et pi j'y faisos des caresses , j'avos bin querre cha, chétot si mignon

ch'voisin y m' dit , si tin veux tiot té l'prinds, j'te l'donne ché d' bon coeur, mi tout contint j' vas ramener cha ale mason, m' mére ale me vaut aveuc rintrer ale mason, ale me dit , un va l'mette d'un l'baraque du qui avot eut chés poules.

Donc v'là ch'cochon d'inte bin à l'abri, un poulallier pou li seu qui courot d'in les quatte coins.
l'lendemain matin, un va vir, mi pi maman a ch'poulallier aprés notte fameux cochon d'inte et pi un survelle tous les deux, d'un seul coup un s'met à vir des tiotes biétes qui courotent aprés l' mére,

m' mére am ravisse pi ale me dit té nous a ramené eune femelle un va ette invahi aveuc toutes chés bestioles, y t'a bin eu ch'voisin y savot bin c' qui faisot un s'débarassant d' sin cochon d'inte

ni eune ni deux , m' mére ale sort d'lle mason et ale va vir ch'voisin pour avoir des esplications, qu'est ce que vous croyez mes gins, li y voulot s'in débarasser. j'ai toul'timps cha d'iml tiète, un sacré souv'nirs vous savez et combien d'fos un n'a arparlé par la suite.
Amitiés Liévinoises mes gins, kiki ed Liévin