i fréquente fin

in plus tant qu in y est , eune d' mes soeurs que m' grand mère ale appelo "l' pisse vinaique" vu qu ale avo du caractère et qu ' as ' laisso pas faire .... ale dijo que mi j éto un éfant reccueilli ......va t in vire ..

ouais qui m avotent arcueilli un soir d' hiver qui neigeo, au pied d' l églisse saint martin ou del chapelle sainte barpe, cha vario des fos qu ale le raconto, et que j éto pas enmitoufflé dins zeune belle corbelle d' prince .........

nan j éto dins zin cageot avec des loques sur mi et qui avo qu' min nez qui dépasso ..................

à forche d' raconter chte cacoule, j devo avoir 6 ou 7 ans , j' vous jure qu à un momint j a eu des doutes sur m' n origine et l' lien qui m unisso à mes "parints" ou plutot que j' devro dire " ché gins qui m avotent reccueilli"


j in arviens à l' expression " i fréquente" , m' mère après ale faijo "aaaaaaaaaaaaaaaahhh"

comme si chéto la nouvelle du siécle

quo qui yavo d' extraordinaire que l' file untel ale "fréquente"

d' ailleurs j in voyo qui "fréquento", souvint i in les voyo passer main dans la main, ou à deux sur eune mobylette

eune voisine qu ale leur dijo " serre le pas comme cha , i va pas s involer ch' conducteur" ......

"fréquenter" chéto au pire pour mi, faire des baisses dins l' noir quand qui yavo un flime au cinéma

d' ailleurs quand qu in y allo avec mes parints, nous in prenno toudis des plaches in bas, l' étache du haut du cinéma "le casino" , comme dijo min père "chéto pas pour nous"

ché au fil du temps aussi, qu in apprenno par un grand ou par un récit que ch' l' camarate du frère d un copain y avo dit et que min camarate y a vo tout intindu, qui yavo certains qui s' ventotent d' "p'loter " des garnoules là haut durant ch' film

ché du bio cha, et in plus chéto parait il le somome, té paye eune plache d' cinéma, té monte là haut, mais té passe ton temps à p'loter l' garnoule, à passer ché mains su sin maillot cham' paraisso d un aut' monde ... (in imagino qu' cha )

mi quand j allo au cinéma, chéto pour vire un flime, et vu que cha couto d' l argent , j auro pas passer mon temps à toucher des gougouttes durant ch' flime ou à "rouler des pelles "

cha aussi quand té tchiot ché eune drole d' expression "j ' la vu in train d' rouler des pelles" , ah bon y éto cantonnier ch'tilale ?

Ouais , mi assis al' tape del cuisine, à juer avec mes soldats , mes coboilles, mes zindiens en plastique, j'me dijo que l' monte des grands i éto vraimint bizarre

qui zavotent l' air d' et' arvénu in infance, cor plus jones qu' nous dins leur tiete, aller au cinéma pour imbrasser ché garnoules ...N IMPORTE QUO.....

après y avo eune expression qui éto le pendant de "i fréquente", chéto " i zont cassé"

j' savo pas quo qui zavottent cassé, soit les pieds, ou des cordes, mais in tout cas i zétotent pus insempe et chéto vécu au départ comme un drame, pi aprés t intindo " un d' perdu 10 d' artrouvé" ou ché zanciennes qui dijotent " ah si ale savo, as' dépéchero pas d' intrer in ménache ché mi qui vous l' dit"

mi , au coin del tape j' m' amusse bin miu avec mes soldats

pi l' temps y a passé, j a armisé mes soldats dans eune boite à chaussures

in l' dijo non plu cha "i fréquente" , pasque aussi "i fréquente" chéto un temps d AVANT MAI 68 et que cha a pas survécu longtimps aprés

ché l époque du que tout rapid'mint in a comminché à trouver normal qu eune garnoule as' marie pas forchémint avec l' premier homme qu ale rincontro ou qu' ale fréquento , l'fait aussi qu' ché jones ont fait plus d étutes cha y a fait beaucoup .......

donc ché sur que cha avo pu rin d 'exceptionnel d' dire "i fréquente " ....................

j'ai cor bin rigolé avec ed' cafougnette
cha m'rappelle in fos , j'rintros d'lécole et comme cha arrivot des fos min père , deux oncs et un cousin y juottent al belote , et juste quand j'rinte y n'da un qui crie "capote " et mi du haut d'mes 12 ou 13 ans , j'ai répondu " inglaisse ", sans savoir s'que cha voulot dire , j'lavos intindu dire, ché tout, tout l'monte y ma ravisé, tout simplemint passe que pour eusses j'avos sortis in monstruosité
j'lé jamais oubliée chelle la , yé vrai qu'ach' t'époque la in savot pas s'que chétot et même nos parints y comminchotent seulemint à n'intinte parler