Sirop Thyphon Kario Gelée Royale et Graines de sésame la fin

Kario, Gelée Royale , graines d' sésame ........

j' les vo cor ché gins là , à essayer d' convainque min père que chéto la panacée , pour assurer eune plus grante longévité ...........

j' les vo cor insister , surs du bon fond'mint des produits qui zavalotent ......


à croire que cha devo pas marcher pour tout l' monte , pasque , l un comme l' aute i zont pas passé l' cap des 70 ans ....et i travaillotent au jour comme min père

mi min père y a vécu jusqu à 91 ans, et y avo s' méthote :

quand que m'mère aleservo ché bifteques, ale verso l' sauce sul' viante à min père, pi aprés sus' viante à elle

si i resto cor del sauce d' cuisson avec ché morciaux d al , min père il la finisso, et là suprème plaiji, i arprenno l' poelle et , avec un bon bout d' pain i essuyo toute l' sauce , l' poelle aprés in auro pu croire qu ale avo pas servie d' la journée

"ché bas bon pour ti Léonce" , et min père , i prenno l' morceau d' pain, et il le metto sul' coté d' sin vinte pour montrer qui avo cor del plache et i l avalo ...


mon diu, et quand que chéto la sauce du poulet, savez , avec ché zognons bin cuits, cha chéto surtout pour li, i adoro cha .......

savez mi j avo et j a un comique d' répétition ...alors quand que min père i raclo mais avec un plaisir non dissumulé l' fond del poelle , j' y dijo "té devro plutot minger del' gelée royale"

alors i répondo, "laisse le tranquile ch' brav' homme, y est pu là pour nous in parler" ...

j y avo dit "ouais mais méfie te ,eune fo que té va monter aussi là haut, j' su sur qui va t attinte pour t' parler d' la gelée royale"

alors min père i busio, pi i dijo,"odette, ardonne me un tchiot bout d' pain pour l' castrole , que j in profite au maximum ici bas" .............

à méditer mes gins , à méditer

pas d'courache
té vas trop vite pour mi , j'em sins pas l'courache d'et'suif in mettant min tiot commintaire , j'ai tout lu et ch'trouf cha formidape