in sortant du cimétiere , la suite

avant d' sortir, in s'arrete d' vant la tompe d' Henri Planquette et d' Victoria Furgerot

Victoria chéto l' tante à min père, j'savo qui zavotent eu 2 zinfants, j' cro bin que chéto Maurice et pour l' file , j' sais que chéto Alphonsine

min père i éto amoureux des' cousine Alphonsine quand qui éto tchiot .......

in tout cas, à chaque coup qu in allo sul' tompe d' ses parints, in s arreto ichi d'vant l' tompe d' Henri Planquette , qu' min père i avo ker

in arsortant , sous l' caleur, et toudis à pied, j a pris à gauche la rue Paul Daguercar , pour arjointe la rue Victor Hugo, eune paire d' rues plus bas ..................

là in passe devant l' tchiot magasin d' exposition del' marbrerie Crasquin

mi tout tchiot ,j' trouvo bizarre qu in exposse comme cha des tompes du que d'dins y avo pas personne

in d' sous, plus bas, yavo pour mi un marchand d' fleurs, et pi un bistrot , ch' café mayeu si j' me trompe te pas

quand que j' su passé d'vant, j a bin eu l impression que ché 2 établis'mints i zétotent freumés asteure

d' ailleurs dans l un des deux , ch est pu que comptoirs et présentoirs amassés , entassés derriere l' vitrine du local commercial

cor plus bas, tout rutilant, bio comme un sou neuf, ch' garache Citroen Coppola

li cha fait un bon momint qui est su Bruay, et j' me souviens que cha fait un momint qui faijo régulier'mint del publicité dans la voix du nord ....

plus loin ichi su la gauche , j a un doute, mais j' cro bin que ché la rue François Calonne, faudra que j' ravisse dins mes papiers généalogiques, mais y a quéqu un del famile qui a habité là , mais y a un bon momint ............

au momint d' la premiere guerre mondiale pour vous dire

j a continué à avincher rue Paul Daguercar, j' su arrivé au coin d' el rue avec la rue Victor Hugo à gauche (savez du qui a d'l' aute coté, l'estatue de Gavroche) , la rue Gaston Blot en face , et la rue Paul Eluard su la droite)

ach' coin in vo qui a eu un commerce, bistrot ou épicerie ? j' m in souviens pas mes gins

in tournant rue Victor Hugo in trouve cor ichi eune série d' magasins accolés les zuns aux zautes et cor ouverts pour la plupart

bon ché ptete pu qu eune dizaine d' enseignes au grand maximum, mais enfin j a l impression que j' arriffe ichi un peu comme dans eune oasis, aprés la traversée du désert ...

faut dire qu in partant par la porte nord, in passant par la rue Florent Evrard , pi la place Marmottan, ensuite l' armontée del cote du 3, rue d' Bone, rue Paul Daguercar, et enfin rue Victor Hugo .......j' a du rincontrer 3 bistrots d ouvert, pi ch' tabac dins ch' boulevard Basly

sinan, té passes souvint d'vant d anciennes devantures, d' anciennes vitrines, dont asteure l' intérieur est camuché al' vue des passants, par eune paire d' rideaux .....

ichi in arrive rue de Bordeaux, qu asteure d' vant y a comme un grand parking, eune grante esplanate

et j' me d'minte si yavo pas d'vant dins l' temps eune aut' série d' masons

ché sur que pour ceux qui sont pas d' Bruay, cha peut paraite fastidieux d' suiffe mon chemin'nint dins la ville

ché pas souvint que j armonte, et comme in est pas mal d'"éxilés" et que tout l' monte i armonte ptete pu régulier'mint , cha permet à tertousse, originaires ou ayant vécus un bon momint à Bruay, d' avoir des nouvelles pi des photos d' not' ville

pour celles et ceux qui n' sont pas d' Bruay ej va décrire queques photos que minloute i a mis.

l' 3e, el mason que vous veyez un peu pus bas chéto anciennemint à mo Mayeu i faisot bistro, vindo des fleurs, des plaques funéraire et des babioles.
l'4e, l' garache Copola chéto l'implachemint d'el fosse 3.
l'6è, l' batimint qui fait coin chéto eune épicerie.

toute eune époque mes gins ou putôt tout m'n'infance!!