un peu à l' écart ....

un peu à l'écart dinch' cimétiere ,ché accollé à la rue d' Marles

ché un coin un peu particulier, in y éprouve différents sentimints ...........

in a l'impression d' quitter un peu l' cimétiere, tout in restant à l' interieur

in vo cor ichi un viu carré d' sépultures laissées à l' abandon

ché générations passent, les zinfants i vont habiter ailleurs, in armonte moins, pi in jour in armonte pu et le souvenir et le lien s' distend et disparait

à croire que la terre ale veut un peu s' venger , in diro qu ale s a soulevée par indrots, infoncée à d' autes, c' qui fait que visuel'mint ché tompes ale balent d un coté ou d' l' aute ...

la rouille ale a aussi attaquée ché chaines , et l' béton par indrots i donne l impression qui s' effrite ou part carrémint en morciaux ...........

juste derriere , ché le mur du souvenir

j in a djà parlé dans un artique précédent, ché là qu in a rassemblé toutes ché plaques commémoratives qui signalotent dins Bruay l' indrot du qu avotent été tuées des habitants ou des resistants durant la seconde guerre mondiale

ché au moins un moindre mal, in les a rassemblé ichi avant qu ale disparaissent discret'mint à l' occasion d' eune rénovation ou de travaux de façate .......

plus loin ch'est le cimetiere du que sur 3 carrés , in artrouffe la sépulture de 376 soldats francais, 412 britanniques et 26 allemands tombés durant la premiere guerre mondiale

eune goutte d' io par rapport au 34 000 tombes qui a à Lorette, comme si in avo rayé toute la population d' Bruay à son apogée démographique .......

fallo ti ou fallo ti pas marcher sul' pelousse du cimetiere britannique ?

mi j' m' a pas posé la question, j a marché d' sus comme j' fais au cimétiere britannique du Cabaret Rouge de Souchez

in marche pas sur del pelousse, in marche sur del moquette verte .......

ché bien sur , entretenu avec un soin extraordinaire, pied de nez ach' viu carré du cimetiere tout à coté


et pi in passant d'vant ché tompes, in voyo l' origine d' ché soldats, sans parler d' leur age, des gamins d' eune vingtaine d années....

ché pour cha que j a ker aussi vire l' type d' fleurs qu in met d'vant chaque tompe, ché nin des chrysanthèmes, ché plutot des fleurs d' printemps ou d été qu in a mis en place

comme si in offro non pas un bouquet d' condoléances, mais un bouquet d' amour et dire qu in les oublie pas tout au long de l année

sans compter que ch' jur là que j éto ach' cimétiere, chéto grand solel.....

c' qui ne pouvo que mette in valeur le souvenir d' ché jones là, interrés ichi depuis bientot presque 100 ans

il y a le carré des bonnes soeurs, pas de tombes ni de sépultures juste des croix.
à gauche du cimetière en rentrant par la grande grille qui soit disant n'existe plus. le cimetière c'est paraît-il agrandit.

à côté du carré militaire i a eune tiote baraque chéto l' caveau d'attente .
quand i avo un mort et que l'caveau n'éto pas fini ché la qu'in metto l' cercueil les champes funéraire ou funariums cha n'existo pas.
asteur ale sert d' remise pour l'entretient du cimetière.

pas loin i a aussi l'carré des incinérés(es)
ej vient d' savoir qui avo un funarium à mo Frères Valembois pour des raisons que j'en citerai pas.

ché drôle in parle d' cimetière alors que ché l' ducasse à Bruay
ché l' dernier jour à moinsse qui ai l'arbond lundi mais cha m'étonnero.
avec l' temps qui fait i n' dot pas avoir d' monte à 22h les forains vont quemincher à démonter.

dins l' temps i partotent à Marles plache d' l'hôtel de ville. apparamint ale n'existe pus.
pour in savoir plusse André pourra peut ete nous éclairer.