eune tchiote enquete sur eune photo

j avo 2 cartes postales pareles, identiques in tout cas au niveau del photo , mais avec un intitulé different

sur eune ché marqué " une rue des Corons de Labuissiere"

sur l' aute ché marqué en anglais " in street in the Miners Quarter N°7 "

cha fait un momint que j' cacho, j' imagino cha au niveau d' la cité des sports, savez l' cité qui est pas loin du stade d' La Buissiere d un coté, et qui finit juste au d' sus d' la Belle au Bois

après ch' qui m a fait tiquer ché que "coron" chéto marqué avec eune majuscule, donc i pouvo ptete exister eune cité qu ale s' appelo les Corons de Labuissiere

bonne pioche ...les Corons de Labuissiere chéto rue de Paris, rue de Béthisy , rue de Denain et rue d' Anzin, la future rue Raymond Deruy

ché là que j' m a dit que "Miners Quarter N°7" in pouvo l' traduire par " la Cité N°7" et chéto bin l' ancienne appellation de ch' quartier là

mon arriere grand mère ale habito " cité 7 n° 115 "

après j' a caché su ché photos récentes, et ché avec l' détal d' l entourache des farnietes que j a trouvé

pasque meme si ché masons ale s arsempe, verrez par exempe que ché pas l' meme entourache d' briques entre la rue de Chatelerault et la rue de Paris ....

donc resto pu que 2 rues , la rue de Paris ou la rue de Béthisy

mais comme in vo que l' rue ale sembe déchinte un peu plus loin, et que de toute fachon in vo pas au bout, ché forchémint la rue de Béthisy, photographiée coté rue de Chatelerault

in plus pour in arvénir aux cartes, si sur eune ché écrit en anglais, in peut s avancer à dire que cha a du et' fait durant " l' occupation britannique" soit de 1916 à 1918

j a armarqué hier in cachant dins mes papiers, que la fameuse cité des electriciens s' est appelée autrefois "les vieux corons de Labuissiere"