un tort subi...

Y'a un concours à Radio Luxembourg , in demintt à ché tiots infints ed faire einne belle phrass et pis ed l'invoyer , in peut gagner einne montt .
Man , ej peux l'faire ?
Bin ouais si tu veux.

emm vlà min nez pinché such ' papier à lett ... alors i z'ont dit , in haut à gauche i faut mette sin Nom , sin Prénom , ch'l'adresse compléte et si in est einne fille ou un garchon. voilà ché fait.
einne phrass sul printemps qui veultent
heu , ech'solel i brille , ché fleurs i poussent non ché trop banal.. Le soleil sonne le réveil de toutes les petites graines .

Man t'aime bien , ej peux écrire cha? Bin ouais c'est super beau qu'am dit.
(intre nous , à l'école , j'avos souvint mes rédactions accrochées dinch'couloir, nan ej dis cha comme cha..) Man , té l'mettras al boite à lettre' si si mets le such buffet in attindant , al a trainé là einne paire ed jours aprés em mére al la invoyée.

In est Jeudi aprés midi , j'écoute les résultats d'ech concours (Y'avot un gagnant chaque semaine)

Le gagnant de cette semaine est un petit garçon du Pas de Calais ---Joel P--- avec cette phrase "le soleil sonne le réveil de toutes les petites graines"
Non Man , Non Man i sont trompés , i sont trompés , commint qui font à savoir qu'jai un frére, ej crie , ej brais , em mére al oss pus m' raviser...

einne dizaine ed jours aprés, ech tit colis y'é arrivé avec einne montt ed garchon d'dins , encore asteur j'ai du mal à comprintt commint qu'em mére al a pu m'faire cha canger min nom et mett ch 'ti d'min frére et j'vous dirai meme plus , j'ai jamais pu porter d'montt à min poignet , cha m'brule.. j'attinds core chelle qui m'étot due..

paufe tiote .. vo mieux qu'cha soit qu'ine monte , incore heureux qu'ch'étot pas un ticket d'el lotrie national . l'frangin i pouvo partir pour les bahamas .

j'vas pas répéter s'qu'ya dit théo " pauf tiote " té brairot cor plus , mais ché vrai s'qui dit , heureusemint qu'chétot pas l'super cagnotte 160.000 pi cor des zéros , mais j'sais pu combien , ch'coup chi t'arot inondé ech'site