ché cafés ringot et du corps du bois

J'avos, et j'ai toudis del famille rue d'Marles et j'ai connu ch'bistro Ringot y a 60 ans. In vénant del rue d'Marles in passot par el voyette et in arrivo directement à mon Ringot din l'rue Daguercar. I faudra que j'ravisse si el voyette al existe cor. A l'époque, yavo une ducasse avec des manèges tout in haut del rue d'Marles, donc à 50 m dech café Ringot...qui faiso animation d'ducasse avec accordéoniste, pétites danses et grosses prones comme i dit nounours. Je n'sais pu à quelle momint d'l'année passe qu'y avo une aute ducasse in juin, ch'cro, mais à l'aute bout del rue de Marles, côté du Brd Basly.
J'in profite pour parler del rue Basly etc.. à ceux qui avotent soulever el question. El rue Basly, ché du bas (à partir ed l'églisse) jusque el croisement avec l'impasse Lebrun, là cha comminche à s'appeler el Boulevard Basly jusque tout in haut au croisement del rue Daguercar. L'impasse Basly, i faut tourner din l'sentier Lebrun, et à 15 mètres on tourne à gauche. Avec un GPS cha devro aller...

l'voyette ale existe cor.
ch' café el l'ai bien connu et pour cause. à coté i avo eune épicerie.
j'en va pas armette un sujet la d'sus ej l'ai déjà fait

l' ducasse din haut d'el rue d'Marles ej l'ai bien connu i avo l' chenille et deux ou trois loteries.
ché notre ami Poquet Daniel qui a arpris l'affaire in main quand ale a été délocalisée such' boul'vard Basly plache Marles in face anciennemint de l' boucherie Sénéchal.(ej pinse que les anciens du 3 s'souviennent d'el famile Pannequin des durs à la baston)

ch' café d'ech' corps du bos ej l'ai bien connu aussi ech'l'homme travaillot à la ville ché s' femme qui téno l' bistro ale buvot plusse que ses clients. i in avo un aussi juste à coté.

pour arvénir ach' café ringo quand i a vindu ché un jone couple qui a arpris l'affaire l' patron chéto un musicien un organiste, les sam'dis soirs i avo bal avec sin bio frére qui éto batteur et les bagarres qui allotent avec. ché morts du cim'tière ont du ete "réveillés" pus d'un cop, pus d'deux....