aux futurs artraités ....

savez inch' momint in parle que d' cha, d' ailleurs in in vo souvint sur des pps qui circulent sur le net, in parle des zartraites que cha va pas et' gatiau déjà à atteinte, vu que chaque année i vont nous zin rajouter cor eune à faire

mi parti comme ché parti, j' me base sur eune artraite à 75 ans .....j exagère à peine ....

imaginez si zavotent d' mindé cha aux mineurs ... i n na qu in auro été arquerre au fond sur eune civiere et directemint ch' cim'tiere .... j éxagère à peine

pourtant avec eune grosse pointe d' ironie, i zont pas couté trop ker à l état ché mineux, combien qui sont partis à un ache du qui zaurotent pu et du profiter du temps et d' la santé laissée in bas au fond .......

dire qui sont en train d' réflechir à faire disparaite le statut du mineur, mi cham' fout in rogne, ché tout simplemint un manque d' respect

mais imaginez pour ché plus jones, que cha y est , zallez arriver al' retraite, ché dans quequ' mos , j' voudro vous passer un messache d alerte ....

ché l' momint qui faut s' méfier, pasque zallez intinte des phrases comme cha

"bin ouais m' n' homme y est bientot al' retraite, et y va bintot m aider à faire ch' ménache" ou alors " té pourra t occuper des courses quand que té s'ras al' retraite " ou " in pourra (c'qui faut traduire par "ti") arfaire l' salle d' bains ou canger ch' carrelache au sol" ...........

un consel, prenez pas cha à la légère, ché que grand mère ale vous teste, alors quo qui faut faire zallez m'dire ?

L attaquer d' front et dire " armonte eut' marrone, ichi ché mi qui l' porte, j' f'rai rin d'tout cha "

ouais ché eune solution , mais j évitero, pour mi ché eune réponse commint vous dire ,sous l' coup d' l impulsion , ouais ché l' bon mot

et savez l' impulsion, souvint après on argrette ..... pasque là grand mère ale va avoir l' temps d' fourbir ses zarmes, vous préparer des fiches d' traval, ou pire incore chronométrer l' temps qu' vous passez dehors à discuter avec ché vigins bin loin d' ché garnoules ..........

ché un coup qu ale fasse exprès d' vous faire à minger quéquosse que zavez pas ker .... d' vous forcher la main , par chantache , pour aller faire les courses avec elle à mon cora, un samedi aprés midi........

nan, nan , trop dangereux cha

alors mi voyez , j' su prudint, j a cor pas mal d années à faire avant l' retraite, mais j' prépare ch' terrain ....

vous l' savez bin ché anciens, JAMAIS BRAQUER GRAND MERE , et l' miu ché cor d' passer pour un babache .....

exempe, hier j' invo dinguer eune breloque, eune babiole à grand mère et bin sur cha qué dins ch' pot d' oranger qu'té m a donné Marie Claire , rassure te ché boutures ale zont pas pris

donc in quéyant, y a del terre qui éto à terre such' carrelache...

quo que j ai fait ? Zallez dire minloute y a dit à grand mère , "ché à ti del faire ché tin traval"

ah mon diu nan ...JAMAIS DIRE CHA, nan faut printe l' contre pied, faut justemint aller querre rapid'mint ch' ramon

j a dit rapid'mint mais pas trop quand meme ,faut qu' grand mère ale vienne constater les dégats

t acoute pas c' qu ale dit, du ginre "té pouvo pas faire attention" patati patata ..

nan ti té reste concentré sur t' mission : faire disparaite la terre qu ale s est répandue au sol

JAMAIS DIRE nan plus "ché pas d' ma faute" ,là té sur d 'in printe cor plein tes zoreles .....

nan, nan , té reste concentré sur tin balayache....et ché là qu ale est l astuce, té montre à grand mère un visache concentré, mais té fait expres d' pas bien t'nir ch' ramon, d'ête un tchiot peu maladroit ...

un tchiot peu maladroit, juste assez pour pas trop d' faire ingueuler, mais assez pour qu ale t' prenne ch' ramon des mains et qu ale fasse ch' traval à ta plache ....

par conte un consel, eune fo ch' ramon donnée à grand mère PARTEZ PAS , nan faut rester là quite meme à géner un tchiot peu

ale va printe cha comme si té savo pas du t'mette mais qu' t'es in train d' compatir

ché cha mes gins ,faut qu ale sinte qu on compatit

pasque si t in profite pour t eclipser , ale va dire qu' t es un fate, que té respecte pas sin traval et patati et patala

nan té reste là, bon ché sur que té va intinte "t es pas dégourdi ti", ou "vraimint t as 2 mains gauches" ou " ah té meilleux pour des chosses que t as ker"

et là, toudis rin, TE REPONDS SURTOUT PAS, té peux meme baisser l' tiete , mais pas trop sinan ale va s apercevoir que teut' fout des' guiffe .....

alors à la fin al' dit " t as vu ché pas compliqué hein" ti té ravisse sin résultat comme si t éto étonné , et là ale dit " vraimint ti et l' ménache ......"

bin là in a gagné , ché sur qu eune fo al' retraite ale va pas nous donner ch'ramon à passer vu qu ale sait qu in a deux mains gauches.............

étonnant non..............

Cha fait plus de quinze ans que j'y su in retraite et bin j'va vous dire j'ai jamais été autant occupé. Y a une chose a surtout pas faire ché de s'mettre les pantoufles et rester a s'maison, el télé mi j'ai po l'temps del ravisé ou alors ché a 11 heure du soir.

Y a plein d'occupation ché l'momin de s'rindre utile invers sin prochain y a des actions bénévoles, ou alors comme mi j'm'occupe a temps plein deine compagnie ed théatre bin j'vais te dire cha prin in sacré temps.

Quand j'travaillo j'avo les WE les vacances asteur plus de tout cha té va m'dire c'est pasque j'veux bien et pis j'sus pas obligé ed pointer.

bin ,mi, ed pis qu'em n'homme y'é pinsionné ,j'ai tous les jours invie ed l'étrangler , j'exagére....à peine

pauf biête , in a pas idée d'vouloir etranner s'n'homme qu'ya passé tout s'vie à trimer pour nourrir es famil , et v'la ch'résultat, que malheur
du coup j'su intrain d'pinser qu'em'femme al pourrot avoir ed' z'idées parels , j'pinse qu'ech' va printe les d'vants