la Flânerie suite

Ech voudro ar vénir sur cha qui nous a dit minloute sur la flânerie el 20 février 2010. Ché vrai qu'y n"avo pas d'parking autour et ché aussi el même raison qui a amené la fermeture des Nouvelles Galeries pi après dech Prisunic.

Ché Bruaysiens i n'savotent pas marcher, et in n'savent toudis pas, i suffit d'raviser ché voitures ventouses sur el zone bleue. mais pour el Flânerie ché pas el raison essentielle qui a amené l'désastre.

l'outil d'traval y éto magnifique, et in pouvo stationner din l'rue des Escaliers, et sur el place del mairie. Mais el désastre ché les commerçants del Flânerie eux même qu'ils l'ont provoqué.
Grammin d'entr'eux chéto des commerçants d'marché qui voulotent s'sédentariser, mais y z'ont pas compris qu'un magasin cha s'ouvre et cha s'ferme à l'heure et pas n'importe quand, cha n'peut pas être el souplesse qu'un trouve sur ech marché.

Donc mes gins y z'ouvrotent vers huit heure et demi dix heure moins l'quart, comme y z'étotent arrivés in r'tard tartous, y z'allotent boire un coup au café-tabac rue des escaliers... et pendant ch'temps là, ché clients y trouvotent porte ed bo. Ech jus là y a pas pu duré longtemps et ché bien malheureux passque au début du monde y n'avot plus qu'assez pour les faire vivre.

J'ai pu observé ch't histoire là in direct. l'autre problème, i véno d'un 2è groupe, les nouviaux qui voulotent faire du commerce du jour au lendemain in croyant gagner des sous à rien foute, Ils n'savotent pas qu'un commerçant cha travalle à mi-temps... 12 heures par jour si ché pas plus.
Dinch 2é groupe, ché vu un commerce de draps, peignoirs, serviettes etc, de grandes marques, fermer el première année pour partir au ski 3 semaines au mois d'janvier, qui a toudis été l'mois du blanc comme vous l'savez.

ché comme si ech marchand d'jouets i sin allo in vacances au momint d'Noêl. J'tiens à vous signaler qu'un magasin de produits naturels, sérieux, i est toudis ouvert ed pi el début d'l'ouverture del flânerie, et y a un magasin d'vêtements qui a seulement fermé l'année dernière (et qui s'avot agrandi quand les autres y z'avotent fermé).

Un dernier mot: pour choisir un nom al Flânerie, la mairie al avot lancé un petit concours de suggestions, et ch'cro m'souvenir que ché l'proposition de Christiane Sauvage qui avo été ar"tenue.

Sujet et photo du 20/02/2010 :

La Flanerie


et sujets et photos du 27/05/2006 :

In passant par l'flanerie

In passant par l'flanerie 1

ech' cro que bien el magasin qui tient el coup, ché l'marchand ed tisanes et de cartes postales
y a un pétit momint y a un arféjeux ed montres qui s'a installé, cha a l'air ed tourner

Vous qui avez un carrillon, eun' montre, eun' montre gousset (chelle qui est déchindu à l'fosse), un révèle, eun' comtoise, bref tout s'qui fait "tic, tac" et qui n'fonctionne pus, vous pouvez aller amon de ch'l'horloger qui vient d's'intaller à la Flânerie, ch'est un cousin à m'femme, i travalle comme un chef.