l' art du récauffé ....

comme j' dis toudis j a pas des gouts compliqués in cuisine, du momint que ch' est bon ..............

et y a des plats qui sont cor meilleux quand qu in les récauffe , et qu in vous les arsert l' lend'main ....

y en a qui vont "caraméliser" j' pinse aux pétotes d un roti d' porc qu in arcauffe, d 'autes peuvent printe un gout completm'int différint et ché d' cha que j' voudro parler c' soir , ché ch' bouillon

ah ché sur qu un bon bouillon qui a cuit depuis l' matin, in a ker à l'minger, à vire ché ziux al' surface , signe que ché un bon bouillon , j' rinte pas dans les détals j' vous a djà raconté cha

mais voyez , j a ker aussi comme c' soir minger l' reste dech' bouillon avec ch' vermicelle

des légumes in' a pu grinmint vu qui zont été mingé l' premier jur, et l'reste y a fini frod in vinaigrette ,j' rinte pas dans les détals , j' vous a djà raconté cha .........

mais y in reste cor 2 ou 3, qu in a gardé expret, comme l ognon, pi surtout quequ' carottes

ouais un bouillon comme cha, un bouillon qu in pourro minger qu' al' fourchette , vu qui a pratiqu'mint tout bu ch' liquite

j' m' arsint à tape, dins min bio pyjama, chaussons aux pieds, tout prope vu que j' viens d' printe min bain dins l' cuisine

ouais tiens j vous raconterai cha un aut' coup d ailleurs, bref, j' m arvo aprés que j a pris min bain, mi du haut d' mes 10 ans, mes caveux lavés et l'raie bin misse sul' coté ..............


et là au soir chéto bouillon vermicelle, in avo dro soit à cha, soit avec ché pates avec ché lettes , j' rinte pas dans les détals, j' vous a djà raconté cha aussi............


yéto sacrémint bon c' soir , et savez l' bouillon vermicelle, ché un plat qui a des coups i tourno vite et cha m éto djà arrivé dem' régaler à l avinche , et rin qu à sintir l' fumet quand que m'mère ale ram'no ch' plat , j' sinto qui avo tourné


j' rinte pas dans les détails CAR j' vous l a pas cor raconté chelle lale .....

in tout cas j' m a bin régalé c' soir et ch est l' principal