papa ?

cha va faire 10 ans qui a parti, mais commint vous dire ? savez qu in peut pas les zoublier...

quand que j' va randonner, quand qui fait bio, et que j intinds l' chant d' l' alouette A CHAQUE COUP, j' me prints cha dins l' guiffe

à chaque coup , ché comme chi , comme si yavo eune énorme claque et que j' artrouvo dans ch' gardin qu' min père i avo au bout d' la rue leverrier, bon géographique mais aussi un bon dans l' timps, pisque j' m artrouffe en courtes maronnes , assis à raviser min père fuir ch' gardin ou biner ché routes d' légueumes

mi cor tout essoufflé d' avoir couru comme un dératé , del mason jusqu au bout d' la rue leverrier

là j' m éto arrété un instant, l' temps d' vire sa silhouette courbée là bo, à deux chints metes plus bas su la gauche

y éto pas tout seu, yvo "grand père poulvin" qui éto dins sin camp juste avant l sien, plus loin y avo ch' camps de mr Brogniard, chti d' Mr Godet et d' Mr Golliot cor plus bas ..

eune fos m' monture arposée ,j' me donno eune tchiote claque sur m' fesse, et j' dévalo comme un employé du pony express, à toute blinte , vu que derriere j éto poursuivi par d'zindiens "arapao" , mi j avo quer ch' nom là "arapao" ..

j' ralentisso m' monture en passant d' vant l' camp d' mr Poulvin ,vu qui fallo bin dire bonjur à toutes ché personnes avant d arriver au camp d' min père

là j' m ingageo douch'mint sur l' tchiot ch' min qui surplombo sin camp
fallo pas glisser et querre dins ché légueumes à li sinan j l' auro intindu ...

nan souvint j y apporto sin gouter, tout cha dans un sac en tissu , chéto souvint eune pomme avec un coutiau enveloppé dans eune serviette d' tape

min père i s arreto, i v'no s assire à coté d' mi, ché pas pour cha qu in parlo grinmint mais in éto contint d' ete ensempe, ou tout au moins in l' sinto

min père i prenno l' pomme , i l essuyo , pi i coupo des rondelles toutes fines, et bin sur i m in donno eune et j éto tout fier ..

y a des coups i armonto rapid' mint aprés et i me d' mindo d' l attinte, et là eune fo arrivés in haut del cote, au niveau du bout d' la rue leverrier, j avo drot à finir ch' parcours , assis dins l' brouette

ché visites à son champ, chéto rythmé, accompagné , toudis en fond sonore par l' champ de l alouette

oiseau mystérieux qu' min père i m' montro dans l' ciel, que j' faijo souvint semblant d' vire, tel'mint y éto tout tchiot

mais l' chant d' l alouette, ché comme chi j'm asseyo d un coup au bord du sentier, au d'sus du camp d' min père

quand que j' me promène et que j intinds l ' chant de l 'alouette, j' vous jure que j' su sur que ché min papa qui m' dit bonjour

sul' photo qui suit, ché mi, mais bin plus jone, assis au d' sus du camp d' min père

salut minloute , nan ché pas à ti qu'ech'parle mais ach'tiot bonhomme qui donne un coup d'main à sin père , assis ché vrai, mais cha dot ête réconfortant pour li
d’après s'qu'ech'sais ta cangé d'pu chtemps la

ché vrai que ja bin cangé, mais té vo , j' va t in dire un tchiot peu plus ...

té vo quand que j intind l' chant d' l alouette, dins m' tiete , j' me dis à chaque coup "papa ?" ché comme chi i m' faijo un tchiot coucou, ché con à dire mais j in su persuadé

in tout cas l' chant d' l alouette, ché pour mi comme quand qu in s promene dans la rue et d un coup té sint eune odeur, soit un parfum ou un arome qu in s y attind pas et que cha vous arfait artourner directemint en arriere à un momint précis ......

ché pas con du tout à dire , ché meme trés beau de penser que ché sin papa qui fait un tit coucou .
C'est pas pasqu'ils sont absents qu'ils ne sont plus présents...

té vos s'quté dis la minloute pour mi ché parel mais ché pas l'même
min père qu'yétot beche ed' naissance arrivé in France in 1921 , ya gardé longtemps un tiot accent , et quand y m'appellot y dijot "mourice" et pas maurice , et bin souvint quand in m'appelle bin j'arpinse à li , comme ti avec chés coucous

les papa on pense souvent à eux partis trop vite mais dans mon coeur toujours présent tu me manque papa, un hommage à tout ces papa mineurs