Les jardinschés poux
par maurice devos le, 16/04/2012avec un X ,(comme hiboux genoux etc ) hier soir vers 18h30 yavot in émission al télé al 7 ech'cros , et in a vu in femme rintrer d'in un grand congel, "j'résume"
al avot din ses mains in chiffon avec in paire ed' poux en'din , et tout cha pour savoir si chés saloperies d'bestioles , y supportotent ech'frod
cha ma fait arpinser à in histoire bin réel qui ma arrivée , juste après l'guerre
mes parints y m'avotent invoyé in vacances in forêt noire , à l'époque j'savos pas qu'chétot in allemane , cha n'arot d'ailleurs rin cangé am'n'histoire, et sincèremint j'ai pu d'souvenirs ed' chés vacances la sauf, ec'quand qu'ech'su rintré em'mère al sa rindue compte qu'ech'grattot trop souvint m'tiète et pi après qu'à chaque fos j'arsaquos un poux, (j'em gratte in même temps qu'j'écris)
ch'peine fin ya rougi tellemint qui travaillot, em'mêre al a pris el'décision radicale al ma fait raser , et la al a vraimint vue ch'carnache (j'ai oublié ed' dire, quech'coiffeur ya pas voulu m'raser , em'mère al a eu l'politesse d'y dire et in l'comprind
j'em rappelle pu si ya eu in contagion al mason , mais j'em'rappelle qu'in a eu tartous el drot ach' D D T , avec in serviette pour bin les immitoufler,la chétot l'contraire in les mettot au caud
ed'tout cha j'm'in rappelle passe qu'em'mère en'da souvint arparlée,
et pi bin sur ech' D D T in n'ya souvint eu l'drot, in n'avot des caveux d'viux, sauf qu'chétot cor plus blanc qu'ech'blanc
