d'vant ché vitrines

quand qu in arvient à bruay, et qu in s' promène comme cha dins ché rues, l' pire pour mi , ché d' passer d'vant ché commerces qu asteure tout y est freumé

exempe le haut d' la rue Anatole France, indrot plat délimité d un coté par l' cote des grands bureaux et d' l' aute par l' cote qui mene aux quat' chemins ...

rin pratiqu'mint pu rin, cor par chi un reste d'enseigne publicitaire au d'sus d' eune porte, un autocollant laissé sul' coté del vitrine , aux couleurs délavées par tant d' années au solel, vantant eune marque d' café ou d' eune "nouvelle" recharche d' butagasse ......

rideaux tirés sur toute eune activité, rideaux tirés sur des fantomes du passé ..........

si in s écouto, in plaqu'ro eune orele sul' porte vitrée d' l' entrée d' l ancien magasin .............

in intindro l' machine à couper ch' pain coupé à mon Maréchal .... le bruit du hachoir qui quéyo avec forche sur l' tape du boucher à mon Edouard ........ .............. l' bruit métallique des anciennes caisses enregistreusses à mon d' l ancienne coopératiffe .............. le cliquetis des bouteles vides et pleines qu in écangeo dins ché portes boutels à mon Willaume ...... ou l' son de tous ché carillons qui ornotent ché portes et qui s' mettotent in branle dés que quelqu un rintro ou sorto du magasin ..........

pour in arvenir à mon Willaume, on sintiro l' odeur caractéristique du pinard qui éto entreposé à l intérieur..........
l' odeur d encostique et d' cirache qui émano del quincaillerie Cadot .........
sans oublier l odeur épicée du tabaque qui éto bin rangé derriere ch' comptoir ......................

ni celle tant caractéristique del finquée et del biere mélingée à mon dech' café Vanvimersch........

in imagine à travers ché voilaches, des clientes d' not' infance, figées, dociles, attindantes sag'mint leu tour pour et' servies ......

in s'ro pret à tenter s' chance , à essayer d' rintrer, pour vire si à l ' intérieur ché resté comme avant, comme d' not' temps ................

rassurez vous cha dure que queques sec'ontes........

d' abord vu l' bruit incessant des carettes qui passent et arpassent su la rue nationale, in peut pon intinte la moindre émanation du passé .............

pi savez, à rester comme cha, figé d' vant eune ancienne vitrine à raviser ............bin à raviser pas grand cosse, in s' sint rapid'mint ridicule .............

alors on passe son ch' min, sans rin dire, comme si in éto un paria, in croise bin des gins mais in les conno pas, in auro invie d' leu dire, ichi chéto untel, là chéto untel, i vindo chi i vindo cha ...

mais j' cro que l'regard incrédule des gins nous arfroidiro tout d'suite, comme si nous aussi in éto un peu des fantomes du passé qui arvenotent dans des lieux qu in auro fréquenté y a bin longtimps

et on arprind pour nous l adage "Etranger, passe ton chemin" .......