du qu est passée Rosalie ?

J'em' promeno du coté d' la place de l hotel de ville et in ravisant l' monument aux morts, i m a semblé qui minquo quéquosse

d' abord ché l' façon dont l' soldat teno l' fusil que cha m intrigué....

j avo bin m' n'idée, mais j a attindu d ' ete arvénu ichi pour raviser sur ché anciennes photos , ché anciennes cartes postales ...

et ch est là que j a pu vire que Rosalie ale avo disparue

Rosalie chéto l' surnom que donno chés poilus à leur baionnette ...

ché pas si grave qu' cha zallez dire, mais pour mi ché cor un tchiot signe que l' temps y passe ou plutot que certaines valeurs ale disparaissent

in y peut rin, nouzautes in a été élevé, j' diro presque dans le culte d' la guerre 1418, in éto réquisitionné l' 11 novempe matin pour assister avec toutes ché classes d' primaires au dépot d' la gerbe

ché sur aussi que , les années passant, pi aussi la façon d 'enseigner l'histoire ale a cangé, fini les figures pieusses qui jalonotent notre livret ; vercingétorix à alésia, charlemagne et s' nécole , saint louis sous sin chène, jeanne d arc su sin bucher, henri quate et s' poule au pot, napoléon et ses guerres, et ché braffes poilus qui ont sauvé la france .....

pas si loin qu' cha l' temps du qui yavo cor d' l animosité ou tout au moins un certain r'cul envers ché zallemands

les temps cangent, ché monumints aux morts ont perdu d' leur importance, d un certain coté ché plutot bon signe, signe qu in évolue dans eune longue période d' paix, mais j' diro aussi que cha mérite quand meme d' pas tomber à l abandon

à l abandon d' nos mémoires mais aussi à l abandon physiqu'mint

j' espère que quand l estatue ale perdra s' tiete , un bras ou eune gampe, in s' in apercevra rapid'mint et qu in fera les réparations nécessaires ...


à méditer mes gins

ale a été cassée quand i z'ont déplaché ch'monument aux morts qui étot au cercle à côté du prisunic pour l' mette su l' plache d'l'hôtel de ville.