lever d'un tiot galibot

du matin ou d'l'après midi , chétot parel sauf bin sur l'heure d'es lever et d'es'couker
j'su pu certain d'chés heures , mais du matin ch'cros qu'chetot levé 5 heures
qu'in etot bin pourtant din sin lit
surtout l'hiver

pi tout din coup , j'intindos crier
"maurice" et tout d'suite après ch'clic d'ech'l'interrupteur , et j'em doutos bin qu'mes soeurs et min frère si y z'étotent ed' l’après midi y s'artournotent et s'arnichotent in s'pourléquant , j'el'sais passe mi j'in faijos autant, quand j'etos d'l'après midi

cha sintot bon ch'café (cauchette), ch't'odeur qui montot , rin qu'cha d'ja cha ed'donnot un tiot peu plus ed' courache pour ed' dessaquer ed'tin plumard
pi l'hiver, in sintot bin l'caleur d'el cuisinière, qui avot été réveillé par ech'coup tijon al'gueulette, et cha cha nous z'obligeot à nous armuer pour déchinte , ché qui faijot pas caud din chés champes

et la yavot ch'tiot déjeuner qui nous attindot , ch'bol ed' café avec in tartine ed' beurre et d'el confiture mason , y n'd'avot pas in grosse couche mais qu'chetot bon

em'musette avec min briquet et min boutelot , al étot prête , d'su mes tartines el plus souvint chétot d'el graisse (saindoux) fait mason , el lundi ed' tins in tins (pas souvint ) chetot fait avec ech'saindoux d'ech'paté qu'in avot mingé l'velle , et cha sintot même el musette fermée

din ch'boutelot , in général chétot du café avec d'el l'ieau , chetot rafraichissant , et jusqu'à m'pinsion j'ai continué à boire cha au boulot

cha yé, yé l'heure ed'sin aller, à pied bin sur , yavot pas loin un tiot km, chétot din l'noir , pas d'éclairache din chés rues
j'vas m'répéter , mais chétot comme cha in y pinsot pas fallot y aller , ed' toute manière yavot chés files qui sin allotent plus d'bonne heure ecqu'nous , à pied pour printe le bus à 1 bon km d'el mason et din chés mêmes conditions

cha yé ed'pu qu'j'ai passé ch'l'églisse du neuf , ech'vos l'fosse cor 200 metes à faire et j's'rai au caud din ch'lavabo
j'in su tout mat avant ed'commincher l'boulot , REPOS