cor un an pi j' l aura m' mobylette

ch'est en m' promenant y a un mo par min coin que j a trouvé ch'te "relique" sul' bord d' la route,cha sert d' "décoration" ...

quand que j éto tchiot j attindo mes camarates dire cha, cor un an "cor un an et pi j' l aura m' mobylette" ....

-neuve ?
- bin nan, mais min frère i m a dit qui allo m' donner l' sienne , i va in racater eune aut'
-ch' est pas l'sienne, chéto celle à tin père
-ouais mi i li a donné .................
-bin ch est eune viele alors .........
-tais te ti ..

la mobylette......... chéto un moyen d' transport qui éto cor bin dev'loppé par chez nous

yavo des mobylettes pour ché zadultes,des "sérieusses" , du que d' sur té voyo ch' conducteur , avec sin demi casque avec eune sangle in cuir qui passo sous sin cou.....

j avo toudis l impression ou j' m amuso al' pinser , in auro dit qui zavottent eune demi coquile d ' oeufs sul' tiete .....

j' me souviens , tiens j' dis cha à Sopraniste, du mari del soeur à Emile , Emile que t as été vire y a pas longtimps et qu'André i conno bin aussi

sin bio frère à Emile donc, chéto dins not' rue ch' dernier mineur

i rintro del fosse, l' visache cor tout plein d' carbon, l' cigarette au bec , avec s' mobylette qui éto plus toute jone .............

nan ché jones eux i révotent pas d' "mobylette", nan i zaurotent voulu avoir eune moto, mais chéto dins leu reffes l étape aprés

alors i quand qui pouvotent avoir in cadeau un vélomoteur peugeot type 102 ou 103 , tout neuf , tout prope, j' peux vous dire que cha in faijo des allers et r'tours d'vant la piscine grossemy ...

eux i zétotent plus agés qu' nous, et cha permetto d' draguer ché garnoules

arrivée , dérappaches sur les capiaux d'roues d' vant l intrée del piscine , demi tours, accelerations su plaches, et ché minettes qui étotent subjuguées par cha ...

les plus chanceux ch'est ceux qui avotent des mobylettes avec eune celle bi place, j' me souviens d' bios modèles del marque Flandria

alors là cha drago sec ................

hé ,té viens faire un tour ? qui disotent ... et in l' voyo partir avec l' garnoule , accroché à s' taille et i faijotent l' cours kennedy aller et retour à toute blinte ....

nous "à pied" in pouvo pas lutter, in éto un peu comme ché soldats du moyen ache face à ché chevaliers à bidet, in faijo plutot pale figure ....

mi j' voulo aussi avoir eune mobylette, rin qu''pour cha, mais al' mason in éto pas "cyclomoteur", tout juste si min frère y a eu un velosolex pour aller travailler tous les jurs à barlin

j' me souviens qui ralo en rintrant à chaque coup vu qui avo l' fameuse cote du mont d' helin, savez celle qui comminche in bas du qui a gauche ou qui yavo à gauche les serres du fleuriste Maréchal, in face dech' terril à haillicourt, et que d' là , d un coup , cha monte sec jusqu à ch' carrefour du qui yavo au coin et qui existe pu asteure, la piscine iris ....


pour in arvenir à ché mobylettes, l' fin du fin chéto d'avoir eune mobylette qui arsemblo vraimint à eune moto, j' arvo cor l' modèle chéto d' chez Motobécane, alors là chéto l' fin du fin ....

j' vous laisse raviser "l antiquité" qui est à l' origine d' em réflexion ...

Merci Minloute d'ar monté sur ché "pétrolettes". Ouai in n'avot in n'qui étot renommée inch temps là chéto l'mobylette bleu. Chéto motobécane qui sorto cha. Chtéo in n'grosse mobylette bleue. elle faijot mastoque, chéto vraimint in n'engin indestructipe.

ché après l'armée qu'j'ai eu em'première mobylette , j'avos jamais eu ed' vélo
alors la chétot vraimint el'nec plus ultra , chétot in bleu , l'marque j'sais pu
j'ai n'des fait des kms avec pour aller au boulot , et ch'casque chetot comme cheux d'chés gendarmes motards din l'temps
et pi un jour j'ai eu l'occase d'el canger contre in moto 125cm3 motoconfort, avec bin sur in double selle , ed'chaque coté yavot d'vant mes génoux des tupes qui faijotent in rectanque , sacoches un cuir , alors la chetot cor plus formidape , avec un bieau costume cravate ,,,,,,
si j'avos cor ch'te moto ch'pourros pi tête cor essayer

ah ouais ché pétoires plus al faisotent d' bruit et plus nous ché gonzesses in étot in admiration...