rassacache

hier j a mingé "esprit du nord", l' midi in éto à mon d' chez Marie Claire et Frette, et in a eu dro à eune carbonate flamante

savez les voyages cha creuse l appétit, la preuffe ch 'est qu en étant arvenu am' barraque au soir, j a eu un tchiot creux

faut dire aussi qu in a pas eu dro à del salate à mon Marie Claire, am'motte ché c' qui a du déséquilibrer min organisme, et que , pour palier ch' manque là, j'a ouvré ch' frigo

quo minger ? dins ché cas là, pas la peine d' deminder à grand mère d'es' met' au fourneau.........

alors j a ravisé quo qui resto, resto del viante d' potée, jarret et saucisses d un coté, et dans zin n aute saladier toudis dinch' frigo, ché restes d' légueumes ..

alors ni eune ni deusse, j a fait arvénir chal' viante in premier, pi j a rajouté ché légueumes pas longtimps aprés, tout cha dans eune tchiote payelle


beurk qu ale a fait grand mère in sintant cuire cha, t auro pu pluquer et minger un bout d' pain avec du fromache d' sur ...

aprés té va t' plainte que t es maigri pas ..............

que voulez vous, d' vant tant d attaques , d' reflexions injustifiées, la mort dans l ame,j a artourné m' mette d'vant l' gaziniere et attinte que ch' rassacache i so bin cuit , pour , aprés, m' mette à tape , tout seu, et m' régaler avec cha

dehors yvo du vint pi del pleuffe, d' dins j éto fin bénache tout seu, al' tape d' la salle à minger, m' n assiette d' rassacache, ch' pot d' moutarte pas loin, pi eune canette d' biere pour aider comme i dissent au "transit"

ch' est un ptit bonheur, mais j' l a apprécié .........

j'in profite pour rajouter el lien vers l'arcette del carbonade flamande :

La carbonade flamande

ej viens d'lire l'recette que Marie-Claire a mis in ligne.
j'en comprinds pas quemint minloute i a pus arminger au soir.
un plat comme cha i m' faut 2 jours pour l' minger. lol.

"j' sais pas du qui met tout cha", "vaut miu l' vire in photo", "eh t in laisse pour z' zautes" ........

j a attindu cha quand que j éto plus jone....... nan mi j' su pour eune cuisine roboratiffe comme in dit ..............

ej n'ai l'eau à la bouche rien qu'à vire cheul photo... i peuffent toudis v'nir avec leur lasagne et spaghetti ... vif ch'rassacache

minloute ta oublié min morcieau préféré , un bout d'lard fumé , cha m'rappelle chés gamelles qu'em'femme al faijot quand ch'partos , pour 1, 2 ou 3 semaines , j'avos des gamelles ed' rassacache , din l'fond chés légumes , pas d'seur un bon gros morcieau d'lard fumé, bin gras, pas comme ach'teur yé sec , et pas d'seur un gros morcieau d'burre
quand cha récauffot din ch'bain d'marie , ch'burre y fondot cha dégoulinot j'usqu'ach'fond d'el gamelle , j'em pourlèque cor , et attintion , chetot pas des tiotes gamelles , nan des gamelles à ridelles qu'in appellot cha , et cor ach'teur j'peux faire 2 ou trois repas, mais pu d'burre , très très peu d'sel , seulemint in tiote tartine avec un tiot peu d'burre, et bin sur cha fini in soupe