ouverture d eune rocade
par minloute le, 21/11/2012j a vu cha hier en ravisant ché extraits d' la voix du nord que té peux vire en buquant gratuit' mint such' site
y a un nouviau bout d' rocade qui a été ouvert, si j' a bin compris ché en provenance de Béthune en direction d' maisnil les ruitz
dans un dernier temps cha sero raccordé à la rocade d houdain
cha devro diminuer sensiblemint ch' trafic d' camions dans bruay
ché sur que nous qu in a habité au coin d' la rue nationale, in a des souv'nirs bruyants d'passaches d' camions
quo que, faut et' honnete, in s y éto habitué, et ché justemint quand qu in avo l occasion d' partir en vagances et d' dormir in dehors del mason, ché premiers temps , la nuit, i nous minquo comme quéquosse, et che quéquosse là chéto l' bruit des camions, qu in intindo "in veilleusse" sans vraimint trop s in préoccuper
quo que, faut et' honnete, j'me souviens qui a des momints ,quand qui yavo des passaches d'camions, yavo ché vitres des farnietes qui tremblotent durant un bon momint
cha inquéto toudis m' mère qui avo l' impression que ch' camion y allo finir s' route au coin del mason ...
et que dire quand qu in éto tout tchiot et qu in avo été mis au lit tout seu bin en avinche, et qu in intindo ché verres vibrer, j' vous jure que j armonto ch' drap jusqu à d'sus mes zorelles ....
j' devro et' plus précis cor , in intindo d'abord ché vitres tronner, chéto surtout quand que ché camions i venotent du centre ville d' bruay, qui zavotent monté l' cote des grands bureaux
à not' niveau, l' rue anatole france ale ardéchindo vers les quat' chemins et là eune fos ché camions qui zavotent passés l' mason in intindo souvint comme ch' bruit qui font ché bennes vides, savez un grand "boom", comme si ché zéssieux i faijotent arbondir l' caisse du camion ...
faut dire aussi qu in éto loin à ch'momint là , des farnietes à doupe vitrage, nan , chéto du simpe vitrage que quand qui éto cassé in allo à mon d' chez Cadot pour in racater un aut' mais là , ché un aut' sujet .....
bonjour Minloute, comme d'hab ech l'artike ed journal i é clair comme du jus d'chique....et in l'lisant té ta perdu.
El nouvelle route qui a été ouverte al éto demandée depuis plus de 30 ans
Pou comprinte, i faut vénir à l'sortie d'Haillicourt sur le C188 in direction del zone industrielle.
Juste après el plaque de sortie "Haillicourt" i a el voie rapide qui vient de Béthune. Ché el route rapide qui vient de Béthune qui a été prolongée tout droit à travers ché camps jusque el rocade minière au niveau del sortie d'Houdain.
Evidemment, al sortie d'Haillicourt in est peut ette sur el terrain de Ruitz et al sortie d'Houdain in est peut ette sur el terrain de Maisnil, et ech reporter in étant trop précis...i a perdu Minloute et plein de lecteurs.
Donc in résumé, in peut achteur sortir du rond point de l'autoroute de Béthune, printe el direction d'Haillicourt par la voie dite "rapide", et au niveau d'Haillicourt cha continue tout droit jusque la rocade minière qu'on peut ensuite suivre jusque Lens(ou bien jusque Divion din l'aute sens).
Quand j'dis "dite rapide", ché passe que sur el route là in a rimplaché ché feux tricolores de la ville par des mini ronds points que les camions et utilitaires sont obligés de printe à 20 km heure...
Y a 3 ronds points entre Béthune et Haillicourt, et on aura un étranglement à l'intrée d'Houdain, comme à Aix Noulette....
I a 30 ans, chéto bien pensé, mais in 2012 ché déjà trop pétit.
Din l'même idée, depuis l'ouverture del rocade minière in 1970 ou 1971, il est prévu qu'au niveau del clinique de Divion, el route el soit continuée jusque Saint-Pol à travers ché camps...
In l'connaitra peut ette.
j’ai querre que minloute i dit qu’à ch’t’époque là i n’avot pas de double vitrache
in 2000 din ché gardins du philosophe i n’avot un qui avot intouré eune partie avec des fenètes double vitrache. t’es parles que cha m’a fait drole de même armette toute l’électricité din eune cité des fenêtes modernes in bas à toutes chés maisons et rasé l’cité eune paires d’années aprés ché bien

