Em' deuxième déchinte et les autres

Mai 1952, comme el vel', em' mère al' m'appelle in bas ed' l'escalier... Chéto dur ass' léver 4h45..
em' vla donc in bas, m'habiller ,déjeuner, "habitude que j'ai toudis pris, jamais partir travailler sans minger", min briquet et min bidon étant prêt, em' vla parti, ej' grimpe el crinconne in haut del rue ed Béthune, et direction el Fosse 3 ed Bruay.. on éro dit que j'éto habitué ed bell' lurette..

Lavabo, lampisterie printe em' lampe, direction el puits in chimint, ej rinte dinl' SAS profitant que ess su pa seul, car ché portes i sont dures à ouvrir.. ech' donne em' taillette ed déchinte, monte dinl' cage et nous vla arparti pour un tour, étage -360m...

J'em dirige au coffre central du que j'avo été affecté el vell', et serre la main comme un grand, suivi d'un bonjour à ché gins présents... arrif' min porion Alexandre, chéto sin nom ed' famill', ech' connaisso bien sin garchon dem' ach', on éto dinl' même classe à l'école Jules Ferry, mais li comme i resto dinl' cité des musiciens à Bruay, et qui s'éto imbauché aussi al fosse, iéto al Fosse 5 ed Divion.

Si mes souvenirs sont bons dinl' dernière classe du certif' on éto 12 al passer, on éto bien 7 à travailler au fond, 4 au jour, et el 12ième y travaillo pas al fosse. y reste cor à Bruay, jel' vo cor ed temps in temps al grand route.

Min porion i s'adresse à des ouvriers, qui m'invitent à les suif', té prins tin briquet qu'im' dit... direction el bowette nord, on arrif' à un double roulach', et y avo des berlines ed 500 litres avec du blanc ed' din..

on print chacun en' ball' ed blanc, del poudre pulvérisée pour mettre sur les parois des voies, afin de neutraliser les poussières très fines de charbon qui remontent avec l'aérage.
On dépose les 9 berlines pleines tous les 50 mètres. Té vo minloute, avec el pelle là té jettes ech' blanc sur les mézières, pour blanquir tout el surface del voué.

j'attinds que tout el personnel soit passé et parti à front, et pi em' vla passé "blanquicheu"..
Té parles, m'étant mis avec el courant d'air dinl' dos, ech queminche à mett' du blanc dimm pelle, et pi j'el jette au toit...
ech' dit bien j'essaie del jéter au toit, car el courant d'air y est tellemint fort, qu'em' pourette ed blanc al est involée avant d'y arriver..

Ech' persévère, et pi ech' queminche à printe el coup..
Ech' vide 3 berlines, et pi ech' m'inva vire les résultats... disons que chéto pas 10/10, mais in veyot bien que j'éto passé par là..

Donc ech' continu à vider mes berlines, mais avec un mouvement plus sec pour qu'el blanc iss' colle sur les parois... après vérification ej' m'éto amélioré.
J'allo m'armette in route, mais ech' vo arriver des lampes in aval, donc j'attinds, ché lampes chapeau in phare i s'approchent...in' a un ech' l'avo arconnu, chéto ech' maitt', avec ess' crochette, et avec un aut' j'ai su après que chéto l'ingénieur.

Comme j'avo pas l'heure, et el Monsieur qui dévale vers 9h30, j'ai donc fait briquet. 4 tartines et deux oranges. à part el momint des fraises, mais min briquet y a été toudis parel, tout em carrière au fond.

Après ech' vide donc min reste ed berlines ed blanc, et après j'ardévale, mes berlines vides din el double roulage, comme im' l'avo dit, car au poste ed l'après midi, el train ed matériel i do avoir el passage libre.

Les gins del' tête du treuil y arpassent mi ej' les suis, car iéto suremint fin ed poste.. arrivé à l'accrochach' ech' tire min bourgeron pour el secouer in bon coup, et pi ech' tape avec mes mains sur min pantalon pour inlever el plus gros du blanc..

Min porion i arrivv', im demande si cha était.
mi j'en' peux répont' que ouais, et j'ai ringé ché berlines vides.... im' dit, ed main té verras el porion Bussod y a besoin ed quelqu'un pour surveiller ché têtes motrices, el gars habituel y est malate, après el déchinte té vas jusqu'au pied du deuxième treuil, té verras y est assez grand, y a en boutel avec un cuir ed protection, et sin briquet autour avec en' malette.
j'avo comme l'impression que ech' progresso vers les fronts....

Après l'armonte, comm' d'hab' armette ess' lampe à ché fill' al lampisterie, in criant tin N°, pour qui t'ardonne ed taillette ed déchinte pour el lendemain.
Ech' print em' douche bien sur au lavabo, et em' vla arparti am' maison par el rue Victor Hugo. in rintrant em' mère al rigole...
Té t'as vu dinl' glace qu'am' dit.. ravisse te. ech' t'avo ed ché cacasses, din mes z'yux, qui m'a fallu au moins en' 1/2 heure pour les nétier..

et dire que ed'main j'armets cha....Bof!!!!