Les jardinsel mute à pétotes et à carottes
par jpp le, 10/01/2013Ech louchet d'Minloute cha m'a fait arpinser à l'conservation d'ché carottes quand j'étos pétit.
Min père....et pi aussi ché voisins, i faisotent un trou-galerie din l'gardin avec leur louchet. J'cros qui mettotent du sable au fond et peut-ette del cendre.
Après les carottes étotent étalées, pas nettoyées, en 2 ou trois couches et ensuite arcouvertes de terre in forme de 1/2 lune? Chéto el mute à carottes.
I m'semble aussi qu'on l'faiso pour ché pétotes, mais j'in sus pas certain.
On artapo din l'terre pour rouvrir el mute au fur et à mesure des besoins. Et jamais ché carottes n'ont gelé.
Par conte quand on arrivo au bout dech trou in preno pu ech louchet pour armonter ché carottes, mais inne arbraquette...ché plus jones i vont s'demander cha qu' ché comme outil.
In tous cas, ché carottes étotent super bien conservé, et pi ech frigo là et bin il éto étiqueté énergie A+++
min père i faijo cha aussi avec ché carottes, par conte y avo des momints, est ce que ch éto du à qui avo eu trop d' pleuffe, ou alors qui avo mal mis ché légueumes dins l' trou, y a des momints ché carottes ale pourrissotent quand meme ..
et cha arsemblo plus à del melasse qu à aut' cosse ...
nous ch'l'arbraquette in appelot cha aussi in hoette , yavot l'grosse el tiote hoette
pour el mute min père y mettot aussi d'el pale , et l'année d’après ach'printemps in interrot tout cha , chintes, pal et pi tête sape
et ché vrai qu'des fos in artrouvot d'el purée al plache ed' chés carottes , qui avotent pourries
