Les jardinsl'mobylette à min père
par france godderis le, 16/01/2013quand qu'j'etos tchiote, avec mes pinrints et mes soeurs, in allot tout les dimanches après-midi au cinéma Printania (su Méricourt ou Noyelles) in passot d'vant un magasin d'vélos , d'mobylettes etc..etc.
din l'vitrine i d'avot eune ed' mobylette: tout rouch' avec un gros réservoir. min père y bavot d'vant. i savot qu'i l'aurot jamais, in avot pas les moyens!
eum'mére -eune si gentil' maman, morte à 40 ans- qui n'cachot jamais rin à s'n'homme, in douch, sans que personne ne l'sache, portot à chaque quinzaine , eun'tchiot somme à ch'marchand.
et à s'n'anniversaire min père i a eu l'surprisse de s'vie. i n'a brai comme in jone. es'mobylette al l'a m'né partout.
min père i étot pas mécano i étot mineur ed'fond. eul'mobylette , su ses viux jours, i li tirot eune fichelle pou freiner i tirot chu eune aut' pou alleumer ch'quinquet, i avot du scotch un tchiot peu partout mais all saquot toudis.
j'ai oublié eun' chosse importante, cha contribuot à l'fascination d' min père.
el mobylette alle avot in nom, écrit in gros in travers de ch' gros réservoir rouch',ch'étot: "la captivante". tout est dit.
Magnifique histoire, qui a fait piquer mes ys.
In parle facilemint des premières lignes mais i a des merveilles dins l'intindince.
I devrot y avoir tout partout des arcs de triomphe à l'gloire des femmes ou des mamans qui, in muchette et le plus naturellemint du monte ont pris plaiji à faire des sacrifices pour rinte lus gins bénaches.
Simons i avot bin glorifié cha dins "le colis".
