eul'grève ed'63

comme j'ai l'ai dit pus haut j'travaillos amont André, les chaussures.
min père i a toudis était ingagé syndical'mint, politiqu'mint et in discutot d'tout cha al'maison.

un jour i a eu eune grande manif' à Lens ch"tot min jour ed'congé et j'ai défilé avec, min poing levé, comme min pére et des centaines d'aut' malheureux.

eul' semaine après re-manif. ej'travaillos in face de l'mairie d'Lens, min patron i m'as fait dechint' à l'caffe pou pas qu'ej'vos ch'défilé. j'é n'l'oublierais jamais. i s'app'lot mr demasset

y a queques sujets sur la grève de 1963 dans la rubrique "syndicat"
j' pinso y trouver eune coupure d' journal du qu in voyo min père défiler , mais j a pas artrouvé , tant pire , ch est que partie remise

par conte, j a l'souvenir qu' min père i dijo que cha avo été eune sacrée grève que cha avo duré plus d un mo, qui avo eu beaucoup d' solidarité , mais min père i s'souveno qui faijo un sacré froid d' canard

et i dijo que pour défiler , fallo vraimint vouloir ...

mi j'ai deux souvenirs de ch'te gref

1) comme té dis minloute y faijot un frod ed' canard , à tel point qui fallot taper au piqueur din chés réserfs ed' carbon pour pouvoir les querquer et les livrer , cha j'ai pas vu mais j'l'ai bin intindu dire

2) ach'momint la j'etos rintré d'l'armée et j'travaillos al C I M T , la rhonelle , d'marly les valenciennes comme soudeur , in faijot des wagons d'marchandisses , et din chés ateliers y fallot mette des braseros sinan in pouvot pas souder tellemint y faijot frod , cha récauffot seulemint un tiot peu l'air , juste assez pour pouvoir souder
in tiote blague , du coup nous in étot obligés ed'travailler pour pas géler

si ch'trouve assez ed documents ej f'rez eune expo
é l'grève a qu'minchée el jour ed mes 17 ans le 1er mars et l'arprise el 5 avril anniversaire dé m'femme. ché c'qui m'fait dire qu'in étot les fiancés dé l'grève

j'ai participé à ch'documentaire des films de l'atrebate et normal'mint y va avoir un documentaire à la 2 ou la 3 y sont v'nus al maison pour filmer
35 jours ed lutte cha n's'oublie pas

ej' min rappelle bien de ch'te grève. Comme ej' travaillo au 3 ed Bruay ej' resto din en' tiote mason dinl' rue Marmottan, mais intre deux ej' su allé travaillé au 6 de Haillicourt, et su allé rester à Houdain din en' pu grande maison.

mais el problème ché que la i fallo cauffer tout el maison, et j'avo pas pu faire ed réserve ed carbon, donc j'ai été em servir 3, 4 coups din ché wagons ed carbon qui étotent pour ché chaufferies, Maurice y va ardire ché in vrai rapineu ech'ti là, i fallo bin ess' débrouiller pour ess' cauffer, chéto el système démerte, et j'éto pas el seul dinl' cas là....

à cha i fallo pas ess' faire printe par ech' garte, chéto comme el ramassache ed ché marrons in 1949 dinl' bo, passer aud' ssus du grillage, dinl' bo des Dames... min frère étant vénu m'étrenner dinl' semaine et on arparlo cor, qu'on éto poursuivi par ech' garte, on éto des braffs quand même, j'el l'arconno..

ché sur ecqu'des momints comme cha cha s'oublie pas et j'pinse qu'cha s'oubliera jamais galibot , comme dit vauthier din in aute commentaire , in oublie c'qu'in a fait hier, mais pas c'qu'ya été fait ya 60 ans

té vos sopraniste , j'ai intindu parler d'chés gins qu'yallotent al maraute din chés wagons pas d'sous ch'triache , mais aussi bin sur d'su chés terrils, et du coup un souvenir ed'gamin qui m'arvient , ché vraimint vague
in allot ramasser du flou au 14 à gauche d'ech' cimetiere du 14 , in allant d'sus loos en gohelle , et plus loin yavot même un panneau marqué "octroi"