guerre d'Algérie (4)

bin ouais tertous devotent y aller sauf ceusses bin sur qu'yétotent réformés ach'passache consel
ché mineurs ed' min temps "1959" faijotent seulemint 4 mos d'classes , mais din ch'cas la y z'étotent ach's'ordres des mines pindint 5 ans ch'cros , même si y voulotent es'marier y devotent demander l'autorisation

mi j'ai quitté l'fosse, in pinsant qu'ech'partirot pas in Algérie, "suite à l'accident mortel" à coté d'mi
vu qu'j'étos pupille ed'la nation , mais cha comptot pas , min père yétot pas mort pour la France , "seulemint déporté" , incorporé el 5 mai 1959 j'ai donc fait 2 mos au 43em R I , 4 mos au GRET 802 caserne kleber "Lille"
stage radio

pi un novempe 1959 direction Marseille et d'la imbarquemint d'sus "l'ville d'Oran" pour arriver din un pays in guerre , sans même quasimint avoir vu un fusil , ni rin d'aute
j'sais pu au juste mais ch'cros qu'un jour après , imbarquemint din des camions "combien in étot" ??????

j'sais in cosse in avot 3 fusils M A S 36 , par camion , mi j'aros été incapape ed' min servir , direction Slissen , à 2 ou 300kms au sud d'Oran pas long d'el frontière marocaine

in arrivant el première cosse qu'in nous a fait vir , ché 16 ou 17 morts "fells" rallongés d'sur un bas flanc , pi corvées, mi j'etos aux pétotes
et el'lendemain soir garde ed' nuit in haut d'un mirador avec in mitrailleusse 12/7 , un gros phare et min fusil "garant" avec tout chés chacals et chés bourricots qui gueulotent tout l'nuit , j'peux vous garantir qu'ech',,,,,,,,pas

et comme yavot eu in grosse tempête pindint l'traversée , yavot eu des gros dégats , d'su chés lines téléphoniques , in a été in paire ed'jours à réparer tout cha , avec bin sur , auto mitrailleusse , half track , ché la qu'j'ai appris à monter à chés poteaux avec des griffes , j'vas essayer d'artrouver des photos

in tiot com pour chés photos

Photo 1 : d'su ch'batieau , ché pas comme Jacques y l'dit , pour nous in 1959 chetot transat a fond cale , ech'jour la in a même pas pu sin servire à cosse d'el tempête , cha valdinguot ed'droite à gauche , et d'avant in arrière , in pouvot pu mette un pied au sec tellemint yavot ed' dégueulure , économie nette pour eusse ya personne qu'ya mingé , chés chiottes bouchées , j'dis pas ch't'odeur , impossipe ed' sortir , el'sortie al étot barrée par des cordes , in fos débarqués , in avot cor l'impression d'ête in mer

Photo 2 : d'su l'photo ducqu'in est à trois , ché ch'dernier voyache retour in septempe 1961 y faijot bieau

Photo 3 : mirador , in vot bin ch'phare

Photo 4 : mirador , ch'ti qu'yé avec mi , min camarate bernard , mais normalemint in étot tout seul ,ya suremint monté pour el photo , ou mi d'ailleurs , in a été muté chacun d'sin coté , mi au télalg a in cinquantaine ed' kms ed'la , li ch'sais pu


Photo 5 et 6 : brevet radio

Photo 7 : comparaison d'un lecteur d'su' min journal "l'ancien d'algérie" intre l'afghanistan et l'algérie , mi j'avos 19frs60 par mos, 3 roros , si mes souvenirs sont bons , avec in cartouche ed'cigarettes , in paire ed'timpes poste , un savon ,,,,,,,


Photos 8, 9 et 10 : photos d'sus l'tas , photos vue d' l'arrière