coup de coeur, coup de gueule

ah cha ch'est sur que ch' sujet qui arriffe, ch'est "coup de coeur , coup de gueule" ...

cha faijo un momint que j avo dit à grand mère , faudro que t arfais des harengs
al' n a acaté y a 3 jours, ale les za fait mariner dins ch' plat avec ché zognons et pi ché pétotes ...

et pi diminche soir , j éto parti à minger aut' cosse, ouais pasque l' diminche soir grand mère ale fait pas à minger, in "grignotte", c'est à dire qu in minche c ' qu on veut qui a dins l' frigo pour mi, et pour ché zinfants i déjeunent

j' avo djà fait récauffer des noules avec del viante froite, que j' ouvre ch' frigo pour printe la boite à fromache , que j' ké d'sus ch' plat arcouvert du papier alu et j' me dis "merte ché harengs"

alors j a ravisé m' bedaine et j a vu qui avo kor eune plache pour caler 2 zharengs ...

mon diu que malheur qui zétotent bon, alors j a dis à grand mère "formidape, demain té prévois d' faire des pétotes au four et cha sera repas de roi"

j' rinte du traval y éto 17h et des bricoles, et j'vo grand mère qu ale rinte avec ché zinfants, parait que j y a dis "oublie pas d' faire cuire des pétotes au four c'soir" et qui j y auro pas dit bonjour

cha m étonne, pi in peut pas arfaire défiler l' bande magnéto in arriere ....

bon ale est pas méchante grand mère, et quand que j' su arvénu , ouais faut vous dire qu a été donné ch' pain sec pour ché glaines am' voisine, pi après j a été discuté avec min camarate Emile un peu plus loin, donc quand que j' su arvenu à 18h30 , ouais ichi in minche tot i parait ...

que bonne odeur yavo dins l' mason, in plus grand mère ale avo fait eune sauce froite pour ché pétotes au four

alors acoutez, des harengs bin marinés, des zognons, des carottes, des pétotes , del sauce blanque froite

acoutez pour mi cha vaut les grands plats qui a dins ché grands restaurants