eune enquete à mener ..

l' départ d' tout cha, ch' éto en randonnée, savez quand qu in s' promène su ché routes autour des cinses, in sint bin les zodeurs
j' dis cha sans et' l'moins du monte péjoratif , suffit qu on armonte nos zarbes généalogiques et rapid'mint in vo qu in vient tous du monte agricole

alors ché zodeurs ché pas seul'mint l ' odeur d' fumier, que j a ker d ailleurs, cha sint franch'mint meilleu que ché zherbes qu in fout sous des plastiques noirs thermosoudés ....


intre nous l' pire à sintir, ché les zélevages d' canards, pasque meme si ch'est en plein air, oh vinguette cha armonte du goulot

mais arvénons à min sujet, yavo un hangar du qui yavo des sacs d' graines entreposés, et j' m a dis , un bon momint, cha ch'est eune odeur d' mon enfance, mais savoir du que j a sinti cha, pas évident à trouver

j' tourne , j' ratatourne, pi d un coup , comme Bernadette, eune vision, ou plutot l 'esquisse d un souvenir

alors vlà m' question, et Sopraniste d' Bruay y est bin plaché pour avoir l' solution , in plus y a djà mené eune enquete juste à coté , y a quequ' temps ....

savez , dins in haut del déchinte d' la cote des grands bureaux, un peu un d'sous d' la cité des electriciens, un peu au d'sus de du qui yavo l' station service du Garage Bondues, y a actuell'mint un magasin de vélos , j'va raviser sur google maps , les cycles Preuss , ou alors l ancienne devanture juste avant,

et j' me d'minte si , dans l' temps, chéto pas un magasin qui vindo des produits pour les zanimaux, pour mi yavo ch' t odeur là en rintrant

j a busié pi j' m a dit qu in devo v'nir ichi acater ché graines pour l' couple d'perruches qu in avo al' mason ...

si quéqu un peut confirmer ...ou infirmer , j' su preneur ...

Ouais Minloute i y a eu un marchand d'graines dins l'coin et i y a eu aussi l'"chic des dames" qui d'après mi devot s'trouver à l'droite de ch'marchand d'vélos, in dechindant quoi, là dû qui y a des fn'nêtres et eun' porte, sus Google maps.
Tout l'devanture a été ar'maniée d'pis ch'temps là. Cha fait loin.
Faudrot que j'demante à m'belle soeur alle y a travaillé au chic des dames

Loumarcel, il a raison, chéto bien un magasin de produits et plantes de jardin dinche magasin là? El façade al éto étroite mas i avo eune fameuse profondeur, et il y vindo surtout ché graines Vilmorin. J'osero pas l'affirmer mais j'in garde el souvenir qui faiso la liaison pour el clupe d'achat des "jardins ouvriers".

Après le début de la décadence commerciale dont on a parlé longuement i a pas longtemps, juste à côté i a Fiorenzo D'Ambrosio, entre 1975 et 1982, qui y avo installé sin commerce d'encadrement de tableaux et de dorures.
Y avo du passage avec la route vers la mer, une publicité visuellle gratuite, et Fiorenzo il a vu ses affaires grimper. Pi, on a installé "Les ateliers du trèfle" rue du centre.... Fiorenzo il a écouté les mauvais conseils des décideurs commerciaux; il est venu au fond des Ateliers du Trèfle et quéque temps après i metto la clé sous l'paillasson.

J'veux i rindre un hommage ichi, passe que m'n"homme i s'est pas laissé abatte...Il a r'trouvé du boulot, il a pris s'retraite, il est achteur el président du Syndicat d'Initiative de Bruay, et ché li qui nous a fait vénir deux coups des gondoles sur l'étang du parc de la Lawe. Cha ché une merveille d'exemple d'intégration.

Rien à redire, Loumarcel et jpp ont tout dit.
C'était bien un marchand de graines Vilmorin.

Salut JPP
Nous sommes des amis de Fiorenzo.
Il est irremplaçable dans ses fonctions !!
Il en faut encore des personnalités de ce genre !!!!
La venue de l'Italie à Bruay, pardon les venues, ont été extraordinaires !!!
Nous connaissons très bien sa famille, que nous embrassons bien fort.
Bernadette et Georges

El famille D'Ambrosio, j'l'avos connue in septembre 1970, quand j'sus arrivé comme instit à l'école d'Hesdigneul... J'avos leur fille Valérie din m'classe. Ché des gins in or.