Les jardinsdin ch'gardin , suite
par maurice devos le, 15/06/2013l'aute fos france al parlot d'sin gardin qu'al faijot avec sin père et qu'al avot ker cha , mi aussi bin sur , sauf qu'in fos in vidant les chiottes toudis avec min père bin sur et min grand frère y m'a arrivé un drôle ed'tour
avant d'commincher l'vidanche fallot mette du sulfate de fer , laicher macérer et el'lendemain chetot ahue
yavot in boulleusse d'su l'brouette , in séeau avec in corte qu'in plongeot din l'citerne , l'arsaquer et l'vider din l'boulleusse
et in fos qu'al etot pleine "l'boulleusse" fallot l'transporter jusqu'a ch'gardin au maximum in trentaine ed' metes à faire
mi ech'juos les grands in ténant din m'main l'boulleusse pindint qu'min grand frère y poussot l'brouette , et pi d'un coup l'brouette al a ballée et j'm'ai fait arroser bin comme y faut
bin sur à l'époque yavot pas d'salle ed'bain , em'mère al a du faire cauffer d'el l'ieau din ch'caudron , décaper ch'plus gros et arfaire cauffer d'el l'ieau pour peaufiner ch'premier traval
pour chés loques ch'sais pu à ch'tépoque la chétot cor chés batteusses à bras , et bin sur pas d'essorache
