Les jardinsdins l'registre ed ché juets
par Boxerman le, 12/08/2013Mi min marchand d'juets y'éto dins l'cote du 3 in face d'ech coiffeur Genelle.
Disons qu'à Bruay chaque secteur y'avot sin marchand d'juets.
A la gare chéto Baby rêve, aux alouettes chéto sur el coin d'el rue Raoult Briquet et d'el rue Alfred Leroy, à l'grand route rue d'la République à côté d'ché ZAZA du qu'ya coiffure à pétit prix asteur.
J'me rappelle pu si Priminor, Nouvelles galeries et Prisunic vindotent des juets hors période ed Noël.
Dins l'même genre que l' girafe wakouwa, j'me rappelle d'un truc que chéto un pétit bonhomme in fer qu'un metto in n'pétite cigarette d'in s'bouque et qu'in allumot.
Y semblot finquer et y'avot d'el fumée qui s'échappot d'sin mégot. Chéto là aussi un grand mystère.
