Les jardinspélerinage en artois
par minloute le, 31/10/2005ché vrai, j' vous in a djà parlé, mais prenez un coup l' temps d'vous arreter à vimy, pi d' monter à lorette, zallez vire , on sint cor la guerre, in a l impression que l' paysache y nous parle cor, de tout qu on peut ete , on sint qui a l' del souffrance, que les plaies d' la terre sont pas cor arcouvertes
allez vous promener inter ché tombes , verrez que tout l' monte est mélangé, général, soldat, capitaine....
ravisez ché plaques miralogiques, vous verrez qui a aussi des descendants d allemands qui viennent ichi s' recueillir
combien d' vies d' jones décimées, combien d familles brisées, amies ou en'mies in sin fout
y a pu d amis y a pu d ennemis, y a pu qu' des morts
quand qu on voit pour quoi i s'sont battus , in peut l' dire que connerie la guerre
mi quand j y va j' su pas patriote au bout des ongues , non j' s'ro plutot européen , ché bin aussi d' lire des récits d'la guerre du coté allemand eux aussi i zont eu del misere humaine, rin qu à vire ché photos d époque d' el colline ed vimy ché l enfer, ché lunaire, ché qu' des trous d'obus du qu' ché troupes as' camuchent du qu' ché troupes al' zavinchent, du qu elles meurent
