coup d' grisou
par minloute le, 06/04/2014chéto à mon d' min camarate, j' avo pas 10 ans et j éto fort bin éducationné, et donc un coup qu in juo sous le auvent qui yavo dins s' courette, i avo grinmint draché juste avant, sin père à min copain, i passe et i largue eune caisse , commint qu in pourro dire , "tonitruante"
ouais ch'est cha ch' est l' bon terme, s' femme ale passe l' tiete par l'farniete del cuisine, pi ale l' ingueule, am'mote pasque j' éto là
bin i s a pas démonté, pasque d' vant sin fils hilare, et mi qui savo pas du m'mette, i s a planté d'vant mi, et y a dit
"té sait mi j' déchint à la mine (allusion qu' min père li nan) et apprind que ch ' est dangereux et qui faut pas rester dins ché couloirs assis comme cha, té pourro printe un coup d' grisou
à peine qui avo dit cha, in ' n a largué eune seconde juste à coté d' nouzautes
j' savo pu dum' mette et quand que j a rintré al' mason , j' devo faire eune drole d' tiete, que m'mère ale m a d'mindé si cha allo
bin ouais que j a répondu , j allo quand meme pas li dire c' qui chéto passé, j' auro pas osé ....