in ravisant ché noms
par minloute le, 20/12/2015cha va bintot et' l' momint d' faire ché voeux, avant in les faijo par cartes, après y a eu l' mote des sms, et asteure cha sero plutot ché cartes d' voeux electroniques ...
ch'est la forme qu ale cange mais l' fond i reste l' meme , alors ch' t année, j a fais ché comptes, ch'est vrai j in avo oublié l année derniere, mon diu que malheur, là j fais l' point , j ' cro que j va oublier personne
zallez dire que j a pas trop ch' moral inch' momint ,mais à raviser ché noms dans l agenda , in devient un tchiot peu pensif
impossipe pour mi d' barrer ché noms et ché numéros, meme si ché gins i sont pu là
j a toudis Daniel , André, Henri et Jacques toudis présents dins mes "contaques" , meme si sont pu là, difficile d' imaginer barrer ché noms .....
mais bon in va pas finir sur eune triste note, j' pinse aujourd hui à ché parints , qui vont devoir supporter ché zéfants pendant eune quinzaine d' jours ........... bon pas d' problemes pour les zartenir pasque la Noel ale est pas cor passée, après cha sera eune aut' paire d' manches, bon in aura ché devoirs à controler, cha va les t'nir in haleine eune paire d' jurs, mais j intinds djà grand mère qu ale va dire bientot, viv'mint la rentrée ......