Les jardinscha s' perd
par minloute le, 09/02/2016aujourd hui chéto mardi gras, bin j ' l a su j allo dire au détour d eune porte...
cha a pas fait les grands titres aujourd hui, sur que quand ch'est halloween , là in sait s' mette en quate, surtout ché commerçants d ailleurs
ya d' zaffiches partout, in in parle dins les cacalogues, et là pour l' mardi gras ....rin ...
j' va cor passer pour un dinosaure , mais mi j a connu l' temps qu in féto à la fois , le mardi gras et l' pichon d avril
des fetes bin d' chez nous , comme diro l aute présentateur du jurnal d' tf1 à 13 heures ......
j' me souviens que j ' jetto djà min nez , quand que chez Defernez , l' mercerie du coin, ale arsortot ché masques qu ale metto en déchinte, pas loin du comptoir
j voulo avoir un masque d' zorro, j a eu dro à un masque d' nain , copain d' blanche neiche ....
j a eu quand meme un coup, un masque d' indien, bin savez pas facile d' juer avec un masque sul' guiffe, surtout si t eut' met à courir
té vite tout fraique at' guiffe, et mi j a l' souvenir mémorape , d' mette étaler à l intrée dech gardin, que min père i coupo sin tchiot bo dins l' barraque à coté, et qui m a dit sérieus'mint que j avo pas les ziux en face des trous ....
mardi gras ch'est eune fete qu ale tompe en désuétute, ptete aussi pasqu ale éto rattachée au mercredi des cendres pi au carème .......
verrez, cor quequ' zannées et in in parlera meme pu .....
