a sunday in hell

Z’ inquietez pas, in va pas commincher à parler in inglais …

A Sunday in hell, un diminche en enfer qu in pourro traduire comme cha, ch’est in fait non pas un réseumé, mais un long métrache qui dure presque 2 heures ….


Cha parle de l édition paris roubaix de 1976…… j’ l avo djà vu y a eune paire d années, ch’ éto in français, là j a pu artrouver que la version inglaisse, a Sunday in hell …..


Ch’est un peu génant à suiffe, in comprinds pas tout, mais l essentiel y est quand meme là …

Ch’est quand meme remarquape, aussi bin pour l avant course, la course elle-même et ses abords aussi ....

L avant course, pas grinmint d’ parlottes, té vo un bon momint 2 « monstres » d’ l époque in train d’ préparer leu montures ……

D abord francesco moser, qui passe un bon momint à nettoyer et lubrifier ses déraillereurs, ché pignons, l’ chaine et ché plateaux

Après cor plus silencieux , in vo ch’ cannibale, eddy merckx , s occuper , tout seu, d’ la hauteur d’ sa selle muni d un met’ ruban, avec eune précision dont in s’ doute que pour li ch’est plus qu important …

Pi y a la course par elle-même, yavo bin moins d’ moyens techniques à l époque qu asteure pour suiffe eune telle compétition
Pas d’ caméras imbarquées dins ché lilicopetères, mais ch’est pas génant, cor miu, in s’sint vraimint au cœur de l action, au cœur du peloton ou avec ché zéchappés ……..

Pi y a ché zabords, tout c’ qui tourne autour d’ la course, ché gins qui sont interviewés au bord d’ la route ou dins ché cafés

Y a un passache dins l’ vidéo vers 1h10 1h13, cha s’ passe dans un café …..

D un coté ins ‘dit que 1976 ch’est pas si loin qu’cha pi d in aut’ coté, cha nous parait bin loin, que cha soit au niveau d’ ché tapisseries, des vet’mints des gins, mais surtout d’ leur comportemint

Alors sur , que par momints , ché supporters i nous paraissent un peu « dépassés » mais j’ trouffe qui zavotent eune certaine spontanéité, qu à forche asteure d’ vire des reportaches al’ télé, ché gins asteure i juent presque la comédie d’vant ché caméras

Mais arvenons à la course, ch’est ni moser ni mercks qui va gagner ch’ t’ année là....

mais c’ qui relie cor paris roubaix 1976 à paris roubaix 2016, ch’est la difficulté d’la course, l engag’mint des courreux, et surtout l aventure humaine qu a chte course hors du commun …………………