Les jardinscache pot
par minloute le, 11/05/2016tchiot souvenir d infance, in tout cas bin camuché que j m in su souvenu que taleure au hasard d' recherches sur l arnitoile ..
cha vous dit quéquosse, ché cache pots qu in voyo souvint à mon d' ché fleuristes y a eune paire d années ?
i s in vindo grinmint, pasque ché fleurs étotent dins des pots in terre cuite, et pas dans des pots in plastique comme asteure
alors pour habiller ché pots y avo , comme son nom l indique, des cache pots
souvint in espèce d' matiere plastique fine, que cha faijo accordéon, et qu in infilo cha autour dech' pot in terre cuite
yavo différints formats et couleurs
mi j avo ker cha, pasque comme diro l aute , j' laisso faire m' n imagination
cache pot d' couleur rouche, que j avo infilé sum' tiete, et que j imito d'vant m' mère le bonhomme Banania ........
ou cache pots infilés sur mes poignets, un d' chaque coté, comme pour imiter ché gants montants de buffalo bill......
cache pot in plastique, cha existo aussi en crépon, chéto moins solite, pi surtout dés que cha preno l io, i suffijo d un arrosache qui déborte pour que ch' papier i cange d abord d' couleur, pi après qui rinte l ame .....
