la conquête spatiale

dans les années 60, in voyo loin, chéto l' cas del dire, ch'éto la décennie d' la conquête spatiale .....

in veno tout juste d' finir d' s'émerveiller su l' premier satellite qui avo fait l' tour d' la terre, ch' fameux spoutnik

in avo suivi la chienne Laika invoyée dans l'espace ...

puis cha chéto accéléré avec Youri Gagarine et à partir de là in a pu croire que cha allo printe eune ampleur formidape

d ailleurs, min Maitre, ch' Guss, dins sin sketch su la conquête spatiale , sketch que j' connaisso par cœur et que j' faijo du play back i dijo

ouais pasque i avo été contacté pour et' l premier homme d' l espace Français qui allo ét' comostiquaï d'dins la strasmosphère........


in li avo dit " in a djà invoyé eune souris, pi un cat, un sinche ...maintenant ch'est tin tour ...."

et i ajouto "même qui zont invoiyé eune femme, asteure al' mason j'a pu la parole"

i rajouto , ché américains i zinvoyotent un dins l'espace, l' lend'main ché russes, ringue , i n'in rinvoyottent un aute..........



ch'éto l'époque du que dans les bandes dessinées qu'in lijo, j' me souviens que ch'éto dans un album d' Rintintin, in voyo des astronautes, (ouais chéto toudis les américains qu'in voyo).......

nouzautes ché européens in éto djà al' rue, pi ché russes, derrière ch' rideau d' fer, ouais faut pas oublier qu in éto cor sinon avec la guerre froite, au moins in s' méfio grinmint d' eusses .......

donc in voyo ché américains, j' vo cor bin ch' dessin, 2 astronautes, in tenue complète avec ch' casque, dans eune espèce d' grante vallée, ou plutôt in pourro presque dire, comme un oued asséché ...de couleur rouche

du qui yavo eune espèce d' grande crevasse qui serpento tout au long de chte vallée, dominée par d immenses falaises ...


yavo pas que dans ché zalbums qu in parlo d' la conquête spatiales

yavo aussi dans "le livre de la jeunesse" 2 exemplaires qui appartenotent à min bio frère , bio frère fidèle lecteur d' histoires de chtis , que je salue au passache .......

sans oublier le fameux "reader digest", qu'à les zarlire asteure, in est mort d' rire, à vire comme ché russes i sont tout au moins critiqués voir désignés comme l'ennemi de la liberté ......

mais arvenons à ché représentations qu in voyo sur la conquête spatiale

in voyo des colonies installées dins des paysaches qui nous semblotent hostiles : terres arides qu'in se sero cru dans le désert du colorado ...

terres arides rouges, avec dans le ciel, au moins 2 planètes toutes proches, et pour couronner l' tout, eune fusée qu'ale est en train d' décoller, en laissant derrière elle , pas mal d' finquées .......

ch'éto dans l'air ambiant, in suivo le lanc'mint des fusées, in vibro l' premier coup que ché astronautes ont entrepris d' faire l' tour d' la lune ...

quo qui pouvo y avoir derrière, pététe eune base d' martiens, rigolez pas, ch'est eune question qu ale s'éto posée à l époque

in plus durant l' temps qui z' étotent derrière ch' satellite, ch'éto l' cas del dire, chéto silence radio ....


in éto triste quand qu' in a appris la mort d' tout un équipage russe dans l'espace ou quand qui yavo des fusées qui explosotent au décollache


mais in voyo toudis par le progrès, ch' éto comme diro l aute , le prix à payer ......


et in avo dro à la radio, sur europe numéro un, comme in dijo à l époque, du temps des émissions de Jacques Ourevitch, du temps d Albert Simon et des garnoules pour donner la météo, de Frédéric Potcher pour les affaires criminelles ...

in avo dro aux envolées lyriques d' albert Ducrocq, journaliste espécialiste de l'espace, qui a failli querre in syncope, quand que ch' premier homme y a mis l' pied su la lune .

dans la foulée, l'année après, in avo même eu dro à l école loubet à suiffe in direque la sortie d'un astronaute su le sol lunaire

bon fallo avoir d' bons ziux, pasque l'imache ale éto presque brouillée, cha arrivo aussi qu' as' fige un bon momint , mais nouzautes, même si in trouvo pas cha très intéressant (ché gosses ch'est ingrat ).........


in éto surtout contint que pendant ch' temps là, in éto pas in train d' faire ché zexercices sul' l' fameux Bled ....

le soir au jurnal, in avo dro aux maquettes de Jean Paul Chapel, grand espécialiste de l'espace à la télé ...

in s' voyo déjà en l'an 2000, que cha nous paraisso bin loin, in s' voyo déjà printe sin billet à la gare , pour un "Béthune Mars " , avec correspondance su la lune .......

à la même époque, et j' armercie cor min bio frère, qui m' avo acaté eune compilation du journal Pilote....


yavo eune bande dessinée qu' ale m' avo fait bin busié, la preuffe, j' m'in souviens cor asteure .......

in y voyo au fond du dessin un module qui venot d'atterrir en mer, ché zastronautes qui s'approchotent de la jetée, en canot pneumatique, et eune foule immense qui semblo les attinte

mais eune fo arvenus su la terre ferme, i s'appercevotent que ché gins i zétotent pas là pour eusses, mais pour Bernard Moitessier, qui accomplisso son énième tour du monte à la voile en solitaire ..

prémonition? in tout cas, dans l'miyeu de la décennie qui va suive, tout cet espoir , tout cet élan vers l'espace , va vite s'arrêter, faute de budget parait il


en 1970, in s'voyo habiter mars en l'an 2000.............


en 2016, in in est à créer péniblemint des voitures électriques ...


à méditer