el rue du marché

mon pauvre JPP, té sais ch'est pas trop l' coup du sens interdit dins la rue du marché qui m a fait réagir , ch'est l' photo el' meme ....

cha fait un momint que j' su pas artourné à Bruay et d' vire ché deux masons qui font ch' coin d' chaque coté, dans un état , d' délabremint qu in peut dire , sans parler que té vo pu personne dins ché rues , cha m a fait vraimint un sacré choc

pas personne dins ché rues, ou presque personne, cha arrivo aussi, j' me souviens tout tchiot, quand qu avec m' mère in parto vers 14 h vers bruay à pied, et qu in passo d' vant toute ch'te floppée d' vitrines d' magasins, qui s' suivotent et que au matin, si té voulo passer , so té prenno tin temps, so té passo par l' bord del route tel'mint yavo du monte

ch' quartier du marché, chéto pas min quartier, nous in éto du haut d' la rue Anatole France, après la cote des grands bureaux, in y déchindo bin l' plus souvint quand qui yavo ch' grand marché du vendredi

là in y artrouvo ché marchands ambulants qu in avo ker, un volailler pour chti chi, tel charcutier ou fromager pour chtilale, sans parler d' ché étalaches d' marchands d' légueumes , in pourro i passer s' matinée à faire l' tour

pour réseumer, l' estatue d' Marmottan, in la voyo pas tel'mint ale éto intégrée au marché, asteure ale do cacher après ché commerçants

à gauche sul' photo, chéto un café qui faijo l' coin, j' me souviens qu in y juo au javelot, fallo aller au fond, eune tchiote courette, et j allo dire entre 2 longs murs, chéto beaucoup d' viux qui y juottent, casquette vissée sul' tiete, et roulée au coin d' el bouque et eune tchiote tablette à coté pour y poser sin verre durant l' partie ....

sur que le bruay qu in a connu ch'est fini, c'est son destin industriel, et quand qu in y busie un tchiot peu , j a l impression que l essor et son déclin auront été aussi spectaculaires ...

Bruay tristesse.
Tiens, sur la voix du nord y'a un article sur el fille paperman Patricia qui a quitté bruay pour aller à Abidjan entr'autre.
Concernant l'rue du marché les 2 troquets de part et d'autre que l'on voit étaient si mes souvenirs sont bons le café du commerce et le café des forains. In ravisant ben, sur ch'ti ed droite y'a même des arpes qui poussent d'in l'gouttière .
Un invanchant, juste avant ché Michel (au 421) y'a l'café du qui z'ont jué un feuilleton "la vie devant elles" relatant l'année 1975. Par trucache photo y z'ont mis un puits d'mine à l'plache du Lidl..
J'sus allé voir et j'café y'est cor tel quel que din chez années là. Vas sur Google maps t'es verra y z'ont sortis ché tabourets d'époque orange fluo.