ch' bonhomme perrier

j' su contint d avoir artrouvé comme cha par hasard eune photo qui résumo bin les arrivées du tour de France dans la premiere moitié des années 70

d année en année, les retransmissions du tour de France ale se sont améliorées

cor dans les années 50, cha passo par les retransmissions "au poste"
quand qu in dijo "au poste" chéto evidamint du poste d' radio que j' voulo parler

les retransmissions télévisées ale zont comminché à se developper , avec pas grinmint d' caméras, des hélicoptères qui restotent au sol dés qui yavo du brouillard

grinmint d' coupures, d imaches, ou de son

sans compter qu in éto loin d avoir les moyens techniques d asteure, pas de retransmissions de la totalité de l étape , souvint la derniere heure

début des années 70, eddy Merckx domino le tour de France de la tete et des zépaules

in pouvo pas contester ses performances esportiffes, mais sin coté "froid", faijo que la montée en puissance d un ocana , et plus tard d un thevenet , plus ouverts , plus "humains" les rendra plus sympathiques

arvenons à la photo, arrivée d une étape du tour de France, la société perrier avo un contrat d exclusivité, ch' vainqueur d' l étape i devo boire eune boutele d' perrier dés qui avo franchi la line d arrivée et qui avo arrété sin vélo

savez ach' momint du que les reporters ou les journalistes tv , à l époque daniel pautrat ou jean michel leulliot , i s' précipitotent pour intervieuver ch' vainqueur d' l étape , et recueillir ses premieres impressions, yavo ch' bonhomme perrier qui arrivo en trombe
alors j' dis "bonhomme" pasque , à l époque , in faijo pas tant qu' cha attention à l image qui pouvo donner, ch' monsieur qui donno l' boutele au gagnant, i porto eune casquette d' marin sus' tiete, et un bio ti cheurte perrier

le hic du hoc comme diro l aute , ch est qui éto bin bedonnant ...asteure ch ' est sur in auro mis as' plache eune ou plusieurs garnoules, avec des totottes comme d' zobus , à peine habillées , in tout cas au strique minimum ....

on arvient à ch' bonhomme perrier, et la photo ale reflete bin cha, i s' batto presque pour acceder au vainqueur de l étape

en meme temps i avo drot à un aut' qui arrivo avec un fanion de la marque virlux, et qui incrinquo dans la main du courreur

eddie Merckx i avo l habitute, d' boire d eune main s' boutele perrier et d' l aute d ' tenir ch' fanion virlux .....

in suivo chaque jur ch' meme rituel à la télé, et min père i ralo à chaque coup quand qui voyo ché journalistes s' précipiter sul' pauv' cycliste qui veno à peine d' déchinte d' sin vélo ...

"laissez le respirer" qui dijo min père , et après "et paf l' boutele d' perrier" , pi "fouzi du virlux"

cha comminche à dater tout cha