à chaque époque s' magie ...

quand que j éto tchiot y avo un jeu qui nous paraisso magique , ch'éto le télécran

qui a pas révé d avoir un télécran ? avec cha ché parints i zétotent tranquiles, in nous intindo pas

vu qu in éto occupé à juer avec

j m'a renseigné pour savoir commint que cha fonctionno un télécran, bin zirez raviser vous meme dans l' détal, j' peux vous dire ch'est eune histoire d' poussiere d aluminium et de billes , c'qui donno ch' t aspect gris à l écran

drole d' jeux qui auro pas grinmint de succés auprés des jones d asteure, au miu un rictus , un rican'mint, un eton'mint j' pinse aussi pour s' demander asteure commint qu in pouvo avoir ker juer à cha ...

pasque j' do bin dire, qu à faire grace à des lines horizontales et verticales, tout un ensempe d' carrés, in pouvo pas faire grand cosse comme dessin à part eune mason

eune fo qu in avo fait ch' dessin in ayonno l ' écran, et magiqu'mint cha s armetto comme avant

mi j avo ker cha, j' trouvo cha magique ch'est le mot

au départ ,j essayo de deviner du qui éto l' point d' départ , pi dés que j' commincho a bouger ché boutons , chéto parti pour un itinéraire such' l écran

un peu voyez comme eune locomotiffe qui foncero sur des rals, j avo et j a cor l imagination fertile ...

magie du télécran jusqu au jur du que min cousin i m a montré comme in pourro dire, l envers du décor

ch' est à dire qui a comminché à faire des carrés pi à passer et arpasser à l intérieur, comme pour dégager eune farniere sans la couche grisse et là ..

et là j a vu que chéto comme eune pointe , qu ale éto arliée à ché boutons , qui la faijote coulisser

ch' jur là, comme l' jur que j a compris que l' père noel y éxisto pas, j éto fort déçu

quo que vous voulez, quand eune partie d' la magie ale s in va ....