hareng saur

des souvenirs de minger qui m arviennent , les plus fréquents chéto ceux du vendredi ou du samedi soir

quand qu in éto en tchiot comité, mes parints et mi, qu in faijo des repas du soir, les plus simpes, mais avec souvint du minger acaté au marché

volets mis sur ché farnietes, bien au caud dins l' mason, ché radiateurs i donnotent à fond, i avo du linche qui séco dins l' cuisine, grace à la chaleur du fourneau

in éto bin, m' mère ale avo préparé ché filets de hareng saur

ch'éto un rituel, ale in préparo les 3/4 dans un tchiot saladier, avec oignons, morciaux de carottes crues, et eune vinaigrette
ale l avo préparé au matin, pour que ché filets i marinent d' dins

quand que veno le soir, le temps d passer à tape, ale rameno ch' saladier d harengs pi bin sur la passoire in fer, à pieds, qu ale poso égal'mint sul' tape

d'dins, yavo ché pétotes cuites à l io, cor toutes fumantes

s in suivo un momint d' silence, min père i éplucho méthodiqu'mint ses pétotes, pi après i s'servo, ou plutot m' mère a li servo ché harengs

si chéto des pétotes nouvelles, mi j' les éplucho pas, j' coupo simplemint mes pétotes, et attindo, aussi que m' mère ale nous serve ché harengs, j armetto un tchiot peu d huile et d' vinaique

duch'mint minloute duchmint verse pas l' boutele cha sert à rin ...

j' rajoutto un tchiot peu d' moutarte au coin d' l assiette et j'em régalo

m' mère quant à elle, ale avo ker aussi ché filets d harengs mais ale les mingeo commint vous dire, cha m' donno l impression qu ale les mingeo d eune façon simpliste

dins s' n assiette, ale metto sin filet d hareng , qu ale avo pas fait mariner , a le coupo au fur et à mesure qu ale le mingeo , comme cha , nature

à coté , deux tchiotes pétotes, qu ale coupo à moitié, d' su ale ajoutto un tchiot peu d' beurre, et ale croquo d' dins ,savez comme si ale teno eune pomme dins ' main ....