a sunday in hell

nan in cange pas de patois mes gins, mais en ce jour de Paris Roubaix, je ne sauro trop vous zarcommander la vidéo " a sunday in hell, le film du paris roubaix 1976 en français", ch' est sur youtupe

a sunday in hell, in diminche en enfer que cha veut dire , cha a été tourné par d' zinglais, mais y a eune version françaisse , cha dure presque 2 heures, ah sur que j in intind djà dire, 2 heures comme cha pour raviser ché coureurs ...


quand té vo l'flime, cha s adresse à plein d' monte, à chti qui fait du vélo souvint, à chti qui en fait un peu, à chti qui a quer raviser le déroul'mint d eune course...

j avo été surpris y a quequ' zannées, en ravisant l' temps qui metto eddy meercks pour régler sin vélo...
j' trouvo qui éto trop tatillon, mais après té comprinds qui faut vraimint qu' la hauteur de cadre ale so à la hauteur qui désire, sinan il risque de faire des efforts supplémentaires

mais ch'te reportache i s adresse dire SURTOUT à tous ché non esportifs ...

tous ceux qui ont connu ch' t époque là, j' parle d époque ,pasque meme si cha fait qu eune grosse quarantaine d années, té vo que y a grinmint d' chosses qui ont cangées ...

ch'est pas qui a eu d' grosses révolutions dans la course, meme si ch' matériel y a évolué, au bout du compte cha fait pas des écarts si grands si té compares le temps qui mettotent et chti qui mettent asteure pour boucler la course

nan, l' plus grand cang'mint , ch'est l' comportemint des gins ...

in les vo par momints sul' bord d' la route, ou dins ché bistrots, flimés par l' caméra, in in vo certains un peu gauches, souvint "nature"

certains spectateurs avotent mis ou gardés leu habits du diminche, faut dire aussi que chte course ch éto djà un vrai év'nmint ....

d autes, dont la t'nue sera plutard caricaturée, bob ricard sul' tiete, cigarette au bec, short flottant et espadrilles ....

bieres pression dins ché cafés, bouteles in verre su ché tabes , spéctateurs à l orele rivée sul' transistor

j' l a ker chte reportache là, j' trouve que ché gins, loin d' paraite un peu "babache", j' leur trouve eune vraie authenticité face à la caméra , eune grante "Innocence" , j a mis avec un I majuscule , paraissent pas blasés comme asteure ....

mais tout cha chéto avant que la télé ale devienne c' qu ale est asteure ....

ch' est pas qu un reportache, loin de là, ch'est eune tranche de vie, et on s artrouve plongé dans un temps pas si lointain qu' cha ....