ch' pain

J ' va commincher par dire « mon diu ch' pain », j' voulo dire qu in pourro nin parler longtimps , que chéto eune nourriture « sacrée »

in fait quand qu in s' rappelle , ch'est meme loin d' et' faux pasque dins grinmint d' familes, quand que ch' père i coupo l' pain, i faijo toudis eune cro such' pain avec ch' coutiau avant del' débiter ,,,

grands pains pour grantes familles, ch' pain i teno plusieurs jours sans problème

après in a connu ché boulots, plus pitits , coupés ou non coupés ,,,,,,,

j' me souviens de chti qu in acato, coupé, à mon d ' chez Marechal, qui faijo que dépôt d' pain, ch' pain i éto fabriqué par Krawczyk, ch' boulanger qui éto su Marles ou Auchel j sais pu

mais meme si faijo l' route jusqu à Bruay in carette, in acadiane fourgonnette , conduite par ch' Zeff, s il vous plait , ch' pain i éto toudis bin frais ,,,,,,,,

chéto pas l' toudis l' cas de chti qu in avo pris à un momint à eune camionette qu ale passo tous les jurs ,,,,,

ch' pain i éto sacré, dans l' sens d abord qu in juo pas avec ,,,,,,

cor asteure, faut pas que j vo quéqu un faire des boulettes avec, cha m' fout in rogne pouvez pas savoir ,,,,,,,,,
al' mason ché zéfants zont vite compris , comme mi j avo appris aussi, à respecter ch' pain

ch' pain ch'est l' fruit du traval, et j avo dro aussi à « in gache pas du pain, y d'zefants qui minchent pas dans l' monte » ,,

j' do dire que j a arpris aussi à mon compte l' phrasse qui nous dijo min père ,,,,,

min père avo aussi des expressions bin à lui ,,,,,

si té mingeo tin pain comme un galaffe, it' dijo « fout pas du pain dans ta tete »
ou alors
« après ten' aura pu » ,,,,,
ou
« té nous in laisse quand meme »
ou l' miu
« si cha continue té vas pouvoir aller in racater un avant c'soir »

faut dire aussi que pour nos parints, ch' pain chéto vraimint symbolique, certain'mint qui yavo eune pointe d' catéchisme là d'dins, et pour d autes, ch' pain chéto la valeur du traval

asteure, ch' pain in in minche moins , ch'est pu aussi primordial , la preuffe in in vint dins ché supermarchés

et dans certains, la baguette ale a que l' nom, pasque ch' goût y est pu là ,,,,,